Zofate inpumkhatna tichhe thei zawnga che lo turin MZP in mipui ngen

Aizawl | April 24, 2023: Mizo Zirlai Pawl (MZP) General Headquarters, Aizawl chuan, Zofate inpumkhatna tichhe thei zawnga che lo turin mipui an ngen.

MZP Thuchhuah:

Tunlaiin social media lamah Zofate inpumkhatna tichhe thei zawngin thawm a ri a, hei hian MZP rilru a tina a, Zofate inpumkhatna duhtu tawh phawt chuan na an ti ngeiin a rinawm.

Zofate hi kan duhthu ni lova thendarh kan ni a, sorkar pathum hnuaiah kan ram leh mipuite hi kan awm mek a. Sorkar hran hnuaia awm chunga kan inpumkhat theih nan MZP chuan theihtawp a chhuah thin a, MZP leh nationalist pawl leh mimal tawh phawt chuan hmun danga mite hi ram dang mi enin an en thei lova. Hmun hrang hranga Zo hnahthlakte'n chutiang rilru chu pu se tih hi MZP duh dan, tun hma atanga a lo aupui thin a ni a, Zofate'n inpumkhatna leh insuihkhawmna rilru pu theuh ila tih hi MZP duh dan a ni.

Chutih rual chuan hmun hrang hranga Zofate hian hmun danga kan unaute kalphung leh kan inkaihhruaina te, kan dan leh hraite kan inngaih pawimawhsak a ngai a, hmun danga kan unaute zinga kan awm pawhin an duh dan te, an dan te ngai pawimawha kan zah thiam a ngai a, chu chu kan inpumkhatna kawnga thil pawimawh a ni.

Tunlaiin khawchhak lam leh khawthlang lam atangin Mizoram state-ah kan unaute an rawn raltlan a, sorkar leh mipuiin tha taka kan lo dawngsawng hi a lawmawm tak zet a, tin, raltlante leh hmun dang atanga Mizoram state-a rawn lutte pawhin Mizoram state kalphung leh dan leh hraite ngai pawimawh se, Mizoram state mipuite zah thiam se, chu chu kan inunauna atan a pawimawh a ni tih hi MZP ngaihdan a ni.

Zofate inpumkhatna tichhe thei zawnga che lo tura insum hram hram turin MZP chuan hmun hrang hranga Zo hnahthlakte a ngen tak meuh a ni.

Issued by: MZP General Headquarters, Aizawl

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ