Farkawn Joint YMA-in Birth Certificate dik lo siam chungchangah hma la turin thuneitute ngen!

MZP-in Zofate inpumkhatna tichhe thei zawnga che lo tura insum turin Zo hnahthlakte ngen

Aizawl | April 24, 2023: Tunhnai hian social media-ah Mizorama sahimna zawnga Myanmar atanga rawn kal te zingah birth certificate nei an awm ni a sawi a awm a, Hemi chungchangah hian Farkawn Joint YMA chuan thu chhuah siamin, zaithiam lar pakhatin Farkawn khuaa piang anga Birth Certificate a nei chu chhui zui turin thuneitute an ngen.

Joint YMA Farkawn Secretary T Lalrindika hminga thuchuah hian, " Benjamin Sum hi Farkawn khuaa piang a ni lova. He tianga dik lo taka Birth Certificate siamsaktu hi chhui chhuah nise dan ang takin a chungah hma la turin Farkawn Joint YMA chuan thuneitute a ngen a, hmalakna a ngaichang reng dawn a ni," a ti.

Myanmar lama zohnahthlak unaute harsatna tawh leh manganna-ah Farkawn Joint YMA chu a tlanchhe ngai dawn lova, chutihrual chuan dan pela thil tih diklo taka hmalakna erawh Joint YMA chuan a do zel dawn tih an thu chhuahah chuan an tarlang bawk.

Hetihlai hian Mizo Zirlai Pawl chuan Zofate inpumkhatna tichhe thei zawnga che lo tura insum hram hram turin hmun hrang hranga Zo hnahthlakte a ngen tih vawiin vek khan thuchhuah siamin a sawi a,  tunlaiin khawchhak lam leh khawthlang lam atangin Mizoram state-ah zohnahthlak unaute an rawn raltlan a, sorkar leh mipuiin tha takin an lo dawngsawng a, hetihlai hian raltlante leh hmun dang atanga Mizoram state-a rawn lutte pawhin Mizoram state kalphung leh dan leh hraite ngai pawimawh se, Mizoram state mipuite zah thiam se, chu chu inunauna atan a pawimawh a ni tih chu MZP ngaihdan a ni, an ti.

Tun dinhmunah Farkawnah hian Myanmar raltlan chhungkua 203 vel awmin, an vaiin 1,812 vel an cheng mek a. Myanmar sipaiten CNA Camp, Camp Victoria thlawhna hmanga an bomb hnu khan raltlan chhungkua anga chhiar theih 173 vel aṭangin min 599 vel an luh belh leh a ni.

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ