Aizawl | April 24, 2023: Vawiin Ni 24, April 2023 (Thawhtanni) chawhma dar 11:00 khan MZP General Headquarters hruaitute chuan MZP President Pu Lalnunmawia Pautu hovin Mizoram Governor Dr. Hari Babu Kambhampati chu a pisa-ah hmuh a ni.
Mizoram Legislative Assembly-in Kum 2019 a a lo pass tawh, 'The Mizoram Maintenace of Household Register Bill 2019' a hlawhtlin theihna tura hmalak chungchang, Mizoram University Campus-a Politics leh Sakhuana kalkawp hmanga inkaihhruai tumna thil thleng thinte chu a thlen nawn loh nana hmalak chungchang leh Zirlaite'n India ram hmun hrang hrangah hna tha zawk an hmuh theih nana hmalak chungchangte an sawipui.
Mizoram Legislative Assembly-in Kum 2019 a a lo pass tawh, 'The Mizoram maintenace of Household Register Bill 2019' tihhlawhtlin a la nih loh chungchang sawipui niin, Governor chuan, Mizoram sorkarah bawhzui tur a nih thu a lo sawi a, Governor chuan, tangkaina a neih chuan tul anga a lo bawhzui ve tur thu a sawi.
MZU Campus chungchangah zirna nen inkaihhnawih ni si lo invitee leh guest sawma function neih a awm thin niin MZP chuan a hria a, hei hi MZP chuan a duh lo hle a, zirna nena inkaihhnawih ni lo pawn lam thil (Politics leh Sakhuana kaihhnawih thil) tih hi a duh loh thu leh MZU Campus-ah tun anga bouak muanawm neih zel a nih theih nan pawn lam thununna awm thei lakah inven a tul thute thlenin, hmalak ngai a awm a, a lo tih ve theihah chuan hma a lo lak ve tur thu a sawi.
MZP hruaitute chuan, Zirlaite tan hamthatna hrang hrang siamin, a thlawna Computer zirna MZP Computer Centre hawngin zirlai eng emaw zatin a thlawnin computer an zir mek thu leh Computer zir chhuakte tana hamthatna awm thei turte sawipui a ni a. Governor chuan, MZP Computer Centre chu tha a ti hle a, hun remchang hmasa berah a la tlawh ve tur thu leh a zir chhuakte tan India ram company lian hrang hrangah hna zawnpui a inhuam thu a sawi bawk.
.
Post a Comment
He post chungchanga i ngaihdan lo sawi ve rawh: