Aizawl | March 1, 2023: Mizo Zirlai Pawl (MZP) General Headquarters, Aizawl chuan vawiin March 1, 2023 chhun dar 12 khan MZP Conference Hall-ah ‘Zalênna Sualtute Kawmna’ a buatsaih a, MZP Vice President Andrew F. Lalramnghaka’n a kaihruai.
MZP chuan March 1, 1966-a MNF in zalênna an puan ni hriatrengna atan kum 2019 atangin hun a lo hmang tawh thin a. Kuminah hian ‘Zalênna sualtute kawmna’ hun buatsaih niin, zalênna sualtute zinga mi; Senator Bualhranga, War Secretary Vanlalngaia, Brig. Gen. R Sangkawia leh Col. Lalrawnliana te kawm an ni.
He hunah hian Pu Lalnunmawia Pautu MZP President chuan thu sawiin, "Zoramin zalênna a puan laia hming ziaktu (Signatory) 61 zingah mi 8 chiah an dam tawh a, chung zingah chuan vawiinah 1 chiah a lo lang thei a ni. Kan ram leh hnam tana nunna thapa ke pente hi an tlem telh telh a. Kum tam min dampui tawh kher lo mai thei a, an hlu takzet a. Kan hnam rohlute an ni. Chuvangin an puala hun siam hi an phu takzet a ni" a ti a. Zoram zalênna sual anih lai a, ram leh hnam tana huaisen taka beitu nunna chantate leh nungdama la awm te hi eng sorkar pawhin ngaihsakin chhawmdawl se kan duh a ni a ti bawk.
"Kan ram leh hnam tana penchhuakte hian, an thiam leh theihna, an finna bakah an nunna an thap a. Kan ngaisang hle a ni. Heng ram tana penchhuakte hi eng dinhmunah pawh lo ding se, kan ram leh hnam tana ke pen tawh an nih avangin kan zah tur a ni" a ti bawk.
Zirlai kalkhawmte’n zawhna hrang hrang an zawhte chhangin, Zalênna Sualtute hian thu an sawi a. 'Eng vanga Hnam Movement a inpe nge?, Zalênna an sual hi an inchhir em tihte an zawt a. "Zalênna sualtute kha an thluak suksak an ni em?” tih zawhna chu, zalenna suala inpe, nunna chan huama hnam hmangaihna vanga chhuakte kha an thluak suksak an ni lo, tih an sawi.
'Zalênna Sualtute Kawmna’ -ah hian Aizawl khawpui chhunga ICFAI University Mizo Department zirlaite leh Govt. Aizawl West College Political Science zirlaite leh College hrang hrang zirlai hruaitute, Hnampual Zirlai Pawl hruaitute bakah MZP chhungkuate an tel ?ha hle a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: