Aizawl | March 1, 2023: Group of Twenty (G20) Business Meeting, Aizawl a tel tur ram hrang hrang palaite chuan vawiin khan Lengpui Airport thlengin Lengpui Airport-ah hian Art & Culture Department hnuaia Institute of Music and Fine Arts atanga zirchhuak ten palaite hi khuallam hmangin an lo lawm a, anni bakah hian Darbu Zaipawl ten an lo lawm bawk. Hemi hnu hian Aizawl an pan lehnghal a ni.
Vawiin a chartered flight a lo thleng hi mi 62 an ni a, anni bakah hian India ram pawn atangin palai mi 16 an lo thleng bawk a ni.
G20 Palaite hian zanin khan Raj Bhavan an tlawh a, hetah hian zanriah eiin, Cultural Evening an hmang.
Zanin khan Circular Lawn, Raj Bhavan-ah Governor Dr Hari Babu Kambhampati chuan Business 20(B20) of G20 intawhkhawmna a rawn tel tur – India ram mi pawimawh te leh G-20 ram palai rual te lo lawmna ruai leh cultural program a buatsaih a. Kumin March 1-3 chhung hian Mizoram chuan G20 hnuaia intawhkhawmna pawimawh tak, sumdawnna chungchanga sawihona leh inrawnkhawm na Business 20(B20) a thleng mek a ni.
G-20 ram palai te puala Mizoram sawrkarin program a buatsaih hi Chief Minister Pu Zoramthanga te nupa in an uap a. A thlengtu state lam atangin Minister leh MLA te pawh an tel a.He hunah hian mi pawimawh tak tak an rawn tel thei a, chung zinga langsar deuh te chu Pu Som Parkash, Union Minister of State, Ministry of Commerce & Industries, Pu Manfred Auster, Consul General, Consulate General of the Federal Republic of Germany, Pi Sofia Salas Monge, Minister Counsellor and Consul General, Embassy of Costa Rica, Pu Anil Mutha, Chairman, Mutha Industries Pvt Ltd leh Pu Pradip Bagla, Co-Chairman, CII, NE Council te an ni.
Cultural Program-ah hian Mizo hnam ziarang ti lang thei zawnga thuamhnaw nena inlan, zai leh lam, Liandova te Unau Thawnthu – lam hmanga mawi taka entir leh special item dang te entir a ni a. Cultural Program zawhah hian G20 palai te puala zanriah buatsaih chu kilho a ni.
Naktuk chawhma hian Mizoram University-ah B20 Meeting Inaugural Session-ah hun an hmang dawn a, Zirtawpni hian Chapchar Kut-ah an tel dawn bawk a ni.
G20 Business meeting hi DDK Aizawl-ah Live in pek chhuah a nih dawn dawn bakah DD Mizoram youtube channel leh I&PR YouTube channel-ah te live streaming a ni dawn bawk.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: