Mizo Film thar 'Black Rose' tlangzarh a ni ta; hmun 40 chuang atangin show turin booking tifel tawh!

Aizawl | March 18, 2023: Mipui nghahhlelh em em Mizo Film thar 'Black Rose' chu nizan khan Vanapa hall-ah tlangzarh pahin enho a ni a. Mipuiin an hlut hle. Hmun 40 chuanga show atan booking an tifel tawh niin thu dawn a ni!

Tlangzarh zan thlalak dah a ni a i lo thlir dawn nia:

'Black Rose' film hi tlangzarh a nih hma hauhin thawm a nei nghal hle a, ngaihventu an tam a, booking pawh a tam tawh hle a. Tlangzarh a ni chiah a, en ho a ni a, Film direct leh lemchan lama sulhnu nei tha tak mai Melody G Fanai inrawlhna film hi a lo nep lo hle.

Nunui

Mizo ril rem tak hmangaihna thawnthu tarlanna 'Black Rose' hi March 21 hian Lunglei-ah tlangzarh a ni leh dawn a ni.

March 23 atangin khua leh veng hrang hrangah show kalpui a ni dawn a, Macrh 25 hian Lawngtlai-ah show a ni dawn bawk niin thu dawn a ni. Tunah hian Khua leh veng hrang hrang hmun 40 chuangah he film show tur hian an book tawh a. Booking hi a la tih theih reng a, Booking tih duh tan 9366887975 ah hian biak theih reng a ni.

EXPLOREMIZORAM.COM a tarlan tawh angin,  'Black Rose' film hi Aizawl khawpui chhung hmun hrang hrang bakah, Sakawrhmuituai, Muthi leh Lengpui-ah te shoot a ni a, CK Hyundai office a lang zing hle!

Tlangzarh zanah hian:
Man chawiin mipuiin an en thei a, Minister R Lalzirliana'n a uap a, Zaithiam Young Fella bakah Lalhmangaiha leh Zirtluangpuii te an zai bawk.

Black Rose chu le:
Nula leh tlangval dinhmun inthlau tak kara hmangaihna mawi taka par vul lai tarlanna a ni a, hlim lai par ang vul laia tahna in hmun a chan dan tarlanna a ni bawk. He film-ah hian hlimpuia nuihpui tur a tam a, mittui ko lam a awm bawk.
Black Rose hian hmangaihna avanga nun a mawi a,  parvul theih zia a pholang chiang a, hmangaihna avanga thikthu chhiat theih zia tarlan a nih bakah mihring nun danin thlahte ah nghawng a neih theih zia tarlanna a ni bawk.

Heng bakah hian, He film-ah hian Korean film-a i lo hmuh thin a changtunu dinhmun hniam zawk leh a changtupa dinhmun sang, a changtunu che khir thei zet ang chi i hmu ang a, 'Love triangle' tia sawi thin pawh i hmu bawk ang.   

Black Rose hahpuitute:
Nula leh tlangval inhmangaihna thawnthu tarlanna 'Black Rose' hi Tintin Entertainment Presents, Powered by CK Hyundai niin, BS Pictures Kutchhuak a ni a, Director hi Danny Vanchhawng niin, ani hian a thawnthu hi a ziak nghal bawk. Melody G Fanai Produce niin, ani hi film ah hian a inlan bawk. Production Manager hi Lalremchhunga niin, Manager Zoramchhana a ni a, DOP hi BS Pictures a ni.

Mazualtea, Nunui, Timothy

A changtute:
A changtu lamah hian film leh fakna hrang hranga kan lo hmelhriat tawh Hruaia a inlan dawn a, Micky Chhangte a inlan dawn bawk, anni bakah hian Chaltlang tlangval Malsawmdawngzuala (Mazualtea), Kawnpui/Tanhril nula Nunui, Timothy Vangchhia, Zocathi, Melody G Fanai, Makuka, Abii, Opi, Baby Z Tlau, Mali, Zorina, Machita, Apuii, Mary G Fanai, Sawmi, Sailothangi Sailo, Tlanga, Oliver, Ruatfeli, Siamhluti, Hmingtea, Michael, Madini Hmar leh Joseph te a inlan bawk ang.


Wardrobe hi Buanga Chhangte niin, Makeup hi Mary G Fanaiin khawihin, Light leh Sound hi Tluangpuia Colney leh Hriata te khawih a ni.



(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)

Post a Comment

He post chungchanga i ngaihdan lo sawi ve rawh:

Previous Post Next Post