Kan Sawrkarin a chhe hnawhkhawmna ang maia SHC office zahawm taka staff a rawn dah ṭhin hi HSA chuan pawi a tiin, lungchhiatthlâk a ti takzet - HSA Joint Headquarters, Aizawl

byAdmin — 0
Aizawl | March 17, 2023: Hmar Students' Association (HSA) Joint Headquarters, Aizawl chuan vawiin khan thuchhuah siamin, "Kan Sawrkar in a chhe hnawhkhawmna ang maia Sinlung Hills Council Office zahawmtaka Staff a rawn dah ṭhin hi HSA chuan pawi a tiin, lungchhiatthlâk a ti tak zet." an ti.


HSA thuchhuahin siamin, March 7 khan Sinlung Hills Council, Office MINECO, Aizawl ah Hmar ṭawng leh Hmar hnam hmuhsitna duhawm lo tak  thlengin, Pi Lalremruati, Stenographer, PA to CEM in Hmar ṭawng hmusit zâwngin a ṭawng a, chu chu HSA chuan nâ a ti takzet a. He thil avang hian HSA chuan March 9 khan Sinlung Hills Council Chief Executive Member (CEM) ah lekha thehlût nghalin, Pi Lalremruati chungah action la tur leh, ziak leh tawngkaa ngaihdam a dil an phût, tih an sawi.

SHC CEM office aṭanga lekha an dawn angin, vawiin chhun dar 1:00 pm khan CEM Office ah Chairman, Sinlung Hills Council, Secretary, Sinlung Hills Council te leh HSA palai te ṭhukhawmin amah Pi Lalremruati hian hmaichhanah tawngka leh ziak ngeiin ngaihdam a dil avangin HSA Joint Headquarters Aizawl chuan an ngaidam a. HSA Joint Headquarters Aizawl chuan, "tun hnuah hetiang thil hi khawi hmunah pawh thleng tawhlo se, a bik takin Hmar fate thisen tam tak luanna in a hrinchhuah Sinlung Hills Council Office-ah ngat phei chuan thleng tawh lo se, kan duh." tiin an thuchhuah chuan a tarlang.

HSA thuchhuahin a tarlan zel danin, Pi Lalremruati  hian Hmar hnam hmusit zawnga a tawng mai bakah hian a duty chhungin SHC office-ah a rui thin a, Sinlung Hills Council Office zah lohna leh ti bawrhbângtu ah ngaiin 'Disciplinary Action' a rang thei ang bera la ngei turin Sinlung Hills Council thuneitute leh State Sawrkar thuneitute an phût a. Lalremruati hi vawiina ngaihdam dila a din lai pawh hian a rui ngei niin thudawnna chuan a sawi.


HSA chuan, "Kan ngenna ngaipawimawhin kan inbiak ni la la in action lâk a nih theihnan Sinlung Hills Council CEM leh a thawhpuite chuan hma an la nghal a,  an chungah lawmthu kan sawi bawk." an ti a, "HSA chuan action lâk ngei a ni em, tih kan vil zui reng dawn a, action lâk a nih loh chuan HSA in a tâwp thlengin a do dâwn a ni." an ti bawk.

HSA chuan, "Hmar fate thisen tam tak luan tawhna in a hrinchhuah Sinlung Hills Council ah hian Sawrkarin a intiamna tam tak a la hlen lo hi a pawi kan ti a. Inremna ang ngeiin hma la rawhse, tih hi kan phût tlat a ni. Kan Sawrkar in a chhe hnawhkhawmna ang maia Sinlung Hills Council Office zahawmtaka Staff a rawn dah ṭhin hi HSA chuan pawi a tiin, a lungchhiatthlâk a ti takzet a ni." an ti bawl.

"HSA chuan Zofa hnam chi hrang hrang leh ṭawng chi hrang hrang te hi Mizo hnam ti hausatu ah a pawm a, Zofate inpumkhatna a tan hma a la ṭhin a, a la reng dâwn bawk a ni. Tun hnuah hetiang thil duhawmlo, ṭawng leh hnam inhmusitna hi khawi hmunah pawh thleng tawh lo se kan ti." tiin HSA Joint Headquarters, Aizawl chuan thuchhuah siamin, an tarlang.




_________________________________________________________________




HMAR STUDENTS' ASSOCIATION
Joint Headquarters, Aizawl

PRESS RELEASE
Date: 17/03/23

Sinlung Hills Council, Office MINECO, Aizawl ah tarik 07/03/23 khan Hmar ṭawng leh Hmar hnam inhmusitna duhawmlo tak a thleng a. Pi Lalremruati, Stenographer, PA to CEM in Hmar ṭawng hmusit zâwngin ṭawng a chhâkchhuah chu HSA chuan nâ a ti takzet a. HSA chuan CEM, Sinlung Hills Council ah lekha thehlût nghalin, Pi Lalremruati chungah action la turin leh ngaihdam dilna ‘verbal & written’ a phût a ni.

CEM, Office aṭanga lekha kan dawn angin, vawiin chhun dar 1:00 pm khan CEM Office ah Chairman, Sinlung Hills Council, Secretary, Sinlung Hills Council te leh HSA palai te ṭhukhawmin amah Pi Lalremruati hian hmaichhanah tawngka leh ziak ngeiin ngaihdam a dil avangin HSA Joint Headquarters Aizawl chuan a ngaidam a, tun hnuah hetiang thil hi khawi hmunah pawh thleng tawhlo se, a bik takin Hmar fate thisen tamtak luanna in a hrinchhuah Sinlung Hills Council Office ah ngat phei chuan thleng tawh lo se, kan duh.

He mi bakah hian Pi Lalremruati Stenographer PA to CEM hian 'working hours' leh a 'duty' chhunga a ruih ṭhin hi HSA chuan Sinlung Hills Council Office zah lohna leh ti bawrhbângtu ah ngaiin 'Disciplinary Action' a rang thei ang bera la ngei turin Sinlung Hills Council thuneitute leh State Sawrkar thuneitute kan phût tlat a ni. kan ngenna ngaipawimawh a kan inbiak ni la la in action lâk a nih theihnan hma an la nghal a, Sinlung Hills Council, CEM leh a thawhpuite chungah lawmthu kan sawi bawk a ni. HSA chuan action lâk ngei a ni em, tih kan vil zui reng dawn a, action lâk a ni lo a nih chuan HSA in a tâwp thlengin a do dâwn a ni.

Hmar fate thisen tam tak luan tawhna in a hrinchhuah Sinlung Hills Council ah hian Sawrkar in a intiamna tam tak a la hlen lo hi a pawi kan ti a. Inremna ang ngeiin hma la rawhse, tih hi kan phût tlat a ni. Kan Sawrkar in a chhe hnawhkhawmna ang maia Sinlung Hills Council Office zahawmtaka Staff a rawn dah ṭhin hi HSA chuan pawi a tiin, a lungchhiatthlâk a ti takzet a ni.

HSA chuan zofa hnam chi hrang hrang leh ṭawng chi hrang hrang te hi Mizo hnam ti hausatu ah a pawm a, zofate inpumkhatna a tan hma a la ṭhin a, a la reng dâwn bawk a ni. Tun hnuah hetiang thil duhawmlo, ṭawng leh hnam inhmusitna hi khawi hmunah pawh thleng tawhlo se kan ti.

- Information & Publicity Department




(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)
Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post