Aizawl | March 8, 2023: Rengtetlanga bawlhhlawh paihna hmun leh Solid Waste Management Centre, Dihmuntlang te nimin khan Kolasib Bawrhsap John LT Sanga hovin an endik.
Bawrhsap John LT Sanga chuan, Rengtetlanga bawlhhlawh paih thinna hmun chu National Green Tribunal thuchhuah bawhzuinain Mizoram sawrkar chuan ram leilung leh a chhunga cheng nungcha leh mihringte hrisel zawkna atan hmang chhunzawm lo tur a tih a nih thu a sawi a. Chu thupek chu a tak a kalpui a nih theih nan leh bawlhhlawh sawngbawlna hmun, Solid Waste Management Centre, Dihmuntlang chu tangkai zawk a hman a nih theih nan sawrkar department hrang hrangte nen ruahmanna siam tur a endikna neih a nih thu a sawi.
Environment Engineer PC Lalmuanpuii chuan, Rengtetlang bawlhhlawh paihna hmun chu hmunhma rem lo leh ko sang tak a nih avangin NGT duh dan a hmang chhunzawm lo tur leh bawlhhlawh awmsa thiarchhuak tur a hma la tur chuan NGT in a phal anga Central Public Health & Environmental Engineering Organisation (CPHEEO) Ministry of Housing and Urban Affairs, Government of India leh Central Pollution Control Board-te rawn hmasak a that thu a sawi.
DUDO Rebecca Laldinmawii Hrahsel chuan, Rengtetlanga bawlhhlawh paihna hmun hman chhunzawm loh a nih theih nan Solid Waste Management Centre, Dihmuntlang chu changtlung zawk a thawmthat a tul tur thu leh sawt zawk a bawlhhlawh sawngbawl hna kalpui a nih theih nan in tin atanga bawlhhlawh thliar ngaih pawimawh a tul thu a sawi.
Nimina Rengtetlang bawlhhlawh paihna hmun endikna leh Solid Waste Management Centre, Dihmuntlang endikna ah hian beisei anga Vermi-Composting hna kalpui theih a nih loh chhan te, Forest Clearance la hmuh loh vang a Land Fill hman tan a nih loh thu leh phai lam atanga bawlhhlawh tawih thei lo sawngbawlte leitu tur mumal an awm loh thu te sawi ho a ni.
He hun ah hian Power & Electricity Department Sr. EE C Lalzarliana, SDO (S) Vanlalchhunawma Chawngthu, Kolasib DUDO Pi Rebecca Laldinmawii Hrahsel, Pollution Control Board Environment Engineer PC Lalmuanpuii, PHE SDO Goerge Lalhruaia, leh thawktu dangte an tel.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: