Aizawl | March 8, 2023: Govt. Aizawl West College chuan nimin khan National Assessment and Accreditation Council (NAAC) endikna a B++ grade an hmuh lawmna leh College Week kharna hun an college new campus, Luangmualah an hmang a. I&PR Minister Pu Lalruatkima chu khuallian niin he hun hi a hmanpui.
Khuallian Pu Lalruatkima chuan Govt. Aizawl West College chu harsa taka bul tan chhoh a nih dan sawiin, tehfung hrang hrang hmanga college endik a nih hnuah, ‘B++’ grade an hmu thei chu a lawmpui thu a sawi a. Principal, zirtirtute, zirlaite leh alumni-te thahnemngaihna leh inpekna zarah college chuan hmasawnna hmel a hmuh zel thu a sawi bawk.
NAAC-in college an endiknaah college campus hmunhma rualrem lo chu min ti hnufumtu an nih thin thu sawiin Minister chuan khawpui chhunga college-te hmunhma tha zawk sawrkar hotuten an ruahman sak zel chu a lawmawm takzet a ni, a ti a. Chief Minister Pu Zoramthanga, Higher & Technical Education Minister Dr. R. Lalthangliana leh bialtu MLA Pu Zothantluanga te hmalakna zarah Govt. Aizawl West College hmunhma thar tihfel a ni thei chu lawmawm a tih thu a sawi bawk. Covid hripui karah duhthusam angin thil thleng thei lo mahse, hmasawnna kawnga thawhpui zelah kalkhawmte chu a sawm nghal bawk a ni.
Lehkha zir chu kawng engkima hmasawnna a ni tih hre chunga, an thiam leh theihna tipung zel turin Minister chuan zirlaite chu a chah a. Taksa enkawl uluk a, hriselna atana tha lo zuk leh hmuam leh ruihhlo laka inthiarfihlim turin a fuih a. Social media hman dan kawnga fimkhur thar tur leh Mizo hnam dinchhuah leh hmasawn zel na atan fa neih tam lama tan la thar turin khuallian chuan kalkhawmte chu a ngen bawk a ni.
He hunah hian khuallian Pu Lalruatkima hian College Week inelna a tithate hnenah lawmman a sem nghal bawk.
Govt. Aizawl West College Vice Principal, IQAC Co-ordinator ni bawk Dr Samuel VL Thlanga chuan report pein NAAC Assessment period (2017-2022) chhunga college hmasawnna hrang hrang te a tarlang a. Sum tam tak senga Smart Classroom siamsaktu bialtu Minister Pu Lalruatkima hnenah lawmthu a sawi nghal bawk.
Govt Aizawl West College hi May ni 2, kum 1990 khan din a ni a. Tun dinhmunah zirlai 1098 awmin, zirtirtu 43 in an enkawl mek a ni.
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: