HMANGAIHNA HUN THA BER CHU TUN HUN HI A NI

 _Hringnun i nun chhuahpui ngei tur chu_

— Rick Warren 

— Mar 8, 2023


“A phute tan thatna ui suh, i kutah tih theihna a awm phawt si chuan. I thenawm hnenah … naktukah ka pe ang che ti suh, i kawl reng si chuan“ Thufingte 3:27-28

I nun leh i kawppui chungchangah nghet zawka kalpui i duh a nih chuan thudik pawimawh tak i hriatreng tur kan enho mek a. Nun hmanchhuahna tha ber chu hmangaihna a ni tih te leh hmangaihna lanchhuahtirna tha ber chu hun a ni tih kan en tawh a. A pathumna atan: Hmangaihna hun tha ber chu tun hun hi a ni tih hi a ni.

Thufingte 3:27-28 chuan, “A phute tan thatna ui suh, i kutah tih theihna a awm phawt si chuan. I thenawm hnenah … naktukah ka pe ang che ti suh, i kawl reng si chuan.“

Engvangin nge tun hun hi hmangaihna hun tha ber a ni kan tih? A chhan chu hmangaihna lanchhuahtirna hun hi engtia rei nge i neih dawn tih i hriat loh vang a ni. Thil a danglam zel a. Mi an thi a. Naupang an thangliana, an indang zel si a. Naktuk hun hi i hmang ngei dawn a ni tih a hriat loh. Hmangaihna hi i lanchhuahtir dawn a nih chuan, tunah ti nghal rawh.

Charles Colson leh George McGovern te hi Politic lamah chuan inep tlat an ni a. Kum 1972 ah khan Presidential campaign ah an in khing a ni. Mahse pawi ti takin an nun an hmang tawp a ni.

Colson chuan, “Ka nun ka thlir let a, naupangte bula ka awm tam lo hi pawi ka ti a ti a ni. Chhungkua dah pawimawhna chu hna ngaih pawimawhna ram chuan a inrem lo hle a ni. Amaherawhchu a pawimawhna i hriat chuan i fate avangin i hnufual deuh ang. Nimahsela naupangte avang chuan mawltea nun pawh a tha a, naupang sahimna atan tih tur dik tak i ti tihna a ni.”  

McGovern-an a fanu Terry, zu avanga kum 1994 a thi chanchin lehkhabu a ziak a. A fanu thih hnu chuan, McGovern chuan Terry diary a chhiar thin a, pa a nihna a tih that tawklohnate tam tak a inhrechhuak a ni.  Ni khatah darkar 18 lai politic lamah a buai lai chuan, Terry chuan a pa a ngaih thu leh a pa chuan a ngaih ve a rin loh thu leh a ngaihsak loh thu a diary ah a ziak a ni. McGovern chuan nu leh pate thurawn a ziahnaah chuan, ”Naupangte zingah hun tam zawk in hmangaihzia lantir nan hmang ula – tleirawl an nih lai hian ngaihsak zual ula – i eizawnna chu eng pawh nise ngaihsak an ngai a ni. Chutianga i tih chuan a hnuah inchhirna i nei lovang.”

“Chawhnu hun vawi khat tal nei leh thei ila, Terry tan hian engkim ka hlan ang a. Ka hmangaihzia ka hrilh ang a. Hun tam zawk hmang zui turin ka inbuatsaih bawk ang.”

Ka thian, ka zawhna chu hun chep takah i awm reng a nih chuan i thawpik a zual zel dawn em ni tih a ni lova. I tlai hmain engtikah nge tih a ni zawk? I chhungte an vanduai hunah chauh em ni?  I nuna mi dang awm ve te kha en la. Tun hi hmangaihna lanchhuahtir hun chu a ni.

Sawi nawn tlak a ni: Hmangaihna hun tha ber chu tun hun hi a ni. He thudik hlu tak hi i nunchhuahpui chuan engtiang takin nge i nun a danglam ang?

Ngaihtuah zui atan

* Tu nen nge hun hman tam i mamawh? 

* I nuna mi pawimawhte hun i hmanpui theih nan engte nge i thiltih mek paih then ngai?

* Thil pawimawh zawk chu i tih theih nan sumpai eng nge kalsan i mamawh?

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post