Aizawl | March 4, 2023: Cheng nuai 268 eiruk thubuai avanga zawn mek Mustagar Rahman, Guwahati a cheng chu Anti Corruption Bureau (ACB) mite’n manin Ningani khan Central Jail-ah dahluh a ni.
ACB Senior SP Pu Lalsanglura hnen aţanga thudawn danin Mustagar Rahman hi tun hnai Delhi-ah man a ni a, tihfel ngaite tihfel a nih hnu-ah nimin khan Aizawl rawn thlenpui a ni. Aizawl thlenpui a nih hnu hian a chungchang ngaihtuahtu Special Court (Prevention of Corruption) hma-ah hruai a ni a. Special Judge chuan a chungchang ngaihtuah chhunga judicial custody-a hren turin Central Jail-ah a thawn nghal a ni. Court lam aţanga thudawn danin Mustagar Rahman-a’n thubuai a neihpui MAMCO managing director hlui Lalremthanga thiam loh chantir a lo nih tawh avangin ani chungchang ngaihtuah hun chhung hi a rei a rinawm loh.
Lalremthanga leh Mustagar Rahman te hi MAMCO hnuaia contract thawktu a thlan ni a an sawi, contractor-te hnen aţanga pawisa tam tham tak bumna hmanga laksakah puh an ni a. Hemi thubuai-ah hian Special Court chuan nikum December ni 22 khan Lalremthanga chu thiam loh chantirin, December ni 23 khan court hian kum 5 tang tur leh cheng nuai 15 chawi turin a lo hrem tawh a. Pawisa hi a chawi loh chuan kum 5 dang a tan belh leh ang.
A thubuai chhuitu ACB-te chuan Lalremthanga hi cheng nuai 107 tichingpenah an puh a, Mustagar Rahman hi a account hmanga cheng nuai 161 chheprelh a puh a ni a. Amah man tura Court-in Warrant of Arrest a siam hmanga man tuma thla hnih zet zawn tawh a ni.
- AIR Aizawl
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: