MZP-in Jet Fighter hmanga Mizoram beih champha hmang dawn; Pension kum tihsan remti lo!

Aizawl | Feb 15, 2023: Mizo Zirlai Pawl (MZP) General headquarters Aizawl chuan, India Sawrkarin Jet Fighter hmanga Mizoram beih champha hman an tum a, Pension kum tihsan an remti lo!


He thu hi vawiina an president Lalnunmawia Pautu hova MZP executive meeting chuan a rel.

MZP meeting chuan, MZP-in kum 2008 atanga Zoram Ni tia a lo hman tan, India sawrkarin Jet Fighter hmanga Mizoram a beih champhaphak March ni 5 chu kuminah pawh hian hman leh ngei nise tiin a rel a. Ram leh hnam hmangaih inzirtirna ni atan kawng hrang hranga hman nise tih a ni.

MZP  chuan, tun hnaia Sawrkar hnathawk ten pension kum tihsan phuta hma an lak mekna hi pawl ngaihdan dinglai angin tha an ti lo a. Thalai hna zawng mek leh hna neilo lehkhathiam tam tak an awm mek laia sawrkar hnathawk pension kum tihsan hi MZP chuan inhmeh a ti lova, dan dinglai anga kum 60 hi MZP chuan tha a la ti rih a ni.

Tin, MZP chuan hma a lo lak fo tawhna Sawrkar hnathawk pension tawh rawihnawn hi tha a ti lova, pension ruai nawn tura file kal mek awmte pawh a tul anga umzui an tum thu an pawl thuchhuah chuan a tarlang.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post