Aizawl | Feb 15, 2023: Mizo Footballer Jeje Lalpekhlua chuan 'JeJe12 Winter Football Camp' kalpuiin thingtlang naupang football lama tuite tan a thlawna football zirna tum 5 zet a lo buatsaihsak tawh.
'JeJe12 Winter Football Camp' hi khaw hrang hrang pathum; Hnahthial, Reiek, Luimawi-ah kalpui tawhin, tunah hian a khaw lina tur South Vanlaiphai-ah kalpui mek a ni a, hei hi a tum 5na a ni thung.
EXPLOREMIZORAM.COM zawhna chhangin Jeje Lalpekhlua chuan, "keima'na ka lo tawn tawh harsatna kha naupangte hian tawk ve lo se ka duh a ni." a ti a. "Lockdown hma khan tan tawhin, Hnahthialah vawi hnih, Reiek-ah vawi khat, Luimawi-ah vawi khat ti lehin tunah hian South Vanlaiphai-ah kan ti leh a." a ti a, Lockdown hma atangin 'JeJe12 Winter Football Camp' hi a lo kalpui tawh thu a sawi.
'JeJe12 Winter Football Camp' ah hian Naupang hi a thlawn vekin an kal a. A thenah chuan thla khat emaw ni 20 te an kal a, Luimawi-ah erawh hri leng vangin duh anga rei an kalpui theih loh thu, JeJe chuan a sawi.
Jeje Lalpekhlua chuan, "keima'na ka lo tawn tawh harsatna kha naupangte hian tawk ve lo se ka duh a ni. A chhan chu Vairamah te kan han kal a, Hnahthial atangin Aizal-ah ka lo phei a, chutah chuan, entir nan ball pet dan, marker hman da, exercise lak danpawh engmah hre lovin kan rawn phei a, mumal lo takin, helaia lo awm sa hre tawh sa nen khan kan han ti ho ta kha a ni a, thil kha a harsa bik lutuk a, helaia engmah hre mumal lo experience nei lova rawn kal tawp kha chu. Tin, vairamah te ka zu chhuka academy lamah pawh ka thiante ho chu Academy mumal taka training lo nei vekte leh khatiang kha, India Camp-ah kan han kal a, kei kha thil thar ang kha ka tan chuan a ni a, an tana thil awlsam tak kha ka tan chuan thil thar vek a ni a. Kan han inel ta kha a ni a, thil kha a harsa bik lutuk a, khatiang harsatna ka tawn kha naupang dang hian tawng ve lo se tih avanga hetiang hi kalpui ka ni a. Kumtin hian Mizoram khaw dang khaw hran hranah pawh Pathianin rem a tih chuan kalpui ka rilruk a ni." tiin EXPLOREMIZORAM.COM a hrilh.
Jeje Lalpekhlua chuan, "Footballer nih tum te, a bikin thingtlang naupang te hian ka lo tawn tawh harsatna hi tawng ve lo sela ka tih vanga hmala tan hi ka ni," tiin Instagram-ah a post a, "Naupang tam tak ten hlawkna an dawn ngei pawh ka beisei," tiin a chhunzawm a ni.
January 28 khan, "Pathian hruaina zarah Mizoram khaw hran hranah JeJe12 Football Camp hi a tum 5-na kan nei ve ta e. Pathian in remtih chuan Mizoram khawdangah pawh hmalak chhunzawm zel beisei a ni." tiin Instagram-ah a post a ni.
South Vanlaiphaia 'JeJe12 Winter Football Camp' kalpui mek hi Jan 27 khan tanin, Naupang 95 ten coach Rozara hnuaiah football an zir mek a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: