Mara thalai pawl lian ber, Mara Thyutlia Py (MTP) in Larsap kawm

Aizawl | Jan 31, 2022: Mara thalai pawl lian ber, Mara Thyutlia Py (MTP) hruaitute nimin khan Aizawla Governor chenna Raj Bhavan-ah an Governor kawm.

Mara thalai pawl lian ber, Mara Thyutlia Py (MTP) hruaitute nimin khan Aizawla Governor chenna Raj Bhavan-ah lengin Siaha District mipuite tana thil pawimawh hrang hrang bakah raltlan chungchang te leh NHIDCL company hnathawh hrang hrangte Governor hi an sawipui.

MTP Gen. Hqrs.hruaitute chuan Mizorama rawn raltlante’n harsatna an tawhte Governor hi hrilhin, raltlan mangang tak te chuan Assam Rifles sipai duty te laka harsatna an tawk fo thin chu pawi an tih thu an sawi a. Hei hi tihtawp a nih theih nana hma laksak turin Governor hi an ngen a.

Siaha District-a National Highway lamlian sial mektu NHIDCL leh BIPL company te hnathawha an duhthu sam tawk lote pawh Governor hi hrilhin furpui thlen hma ngeia mipui nawlpui tana harsatna a thlen loh nan kawng sial hna chu a zualpui zawh a nih theih nana hma lakpui turin an ngen a ni. 

Mobile Service an neih that loh zia te pawh sawiin Siaha District mipuite’n network connectivity tha zawk an thla-hlel tawh takzet a ni, tiin an harsatna chu chinfel a nih theih nan hma laksak turin Governor hi an ngen a ni.

Governor hian MTP hruaitute chu a hnena an thil thlente uluk taka lo zirchian a tum thu leh a tul anga bawhzui a nih tur thu te a lo hrilh a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)