Salvation Army Hotulu ber General Brian Peddle in Mizoram lo tlawh

Aizawl | Jan 31, 2023: Salvation Army hotulu ber, General Brian Peddle-a leh a nupui World Women’s Ministry President, Commissioner Rosalie Peddle-te’n nimin khan Mizoram an rawn thleng a; naktuk February ni 1 atanga ni 5 chhunga India Eastern Territorial Congress neih tur an rawn hmanpui dawn a ni.

India Eastern Territory Headquarters, Mizoram hruaitute hnen atanga thu dawn danin, General Brian Peddle-a te nupain an hmanpui tur India Eastern Territorial Congress-ah hian Salvation Army hnuaia naupang, thalai, paho leh nuho pawl hrang hrangte puala hun hman a nih dawn bakah vantlang inkhawm te pawh a awm dawn bawk a. Heng programme hrang hrangah te hian General Brian Peddle-a hi tel tura beisei a ni a. Hei bakah hian Biak In thar pathum - Phunchawng Corp, Hunthar Corp leh Vaivakawn Corp te a hawng dawn a ni. 

Zanin hian Salvation Army hotulu te nupa hi India Eastern Territory Territorial Commander Col. Lalhmingliana’n zanriah a eipui ang a. Chief Minister Pu Zoramthanga’n naktuk zanah Chief Minister Bangla-ah zanriah a buatsaihsak ve bawk ang. 


Mizoram sorkar chuan Salvation Army hotulu General Brian Peddle-a hi sorkar khual pawimawh angin a lo mikhual a. A veivahna tur lirthei leh vengtute a pe a, a veivak hmahruaitu ‘pilot’ pawh ruahman a ni.


- AIR Aizawl







(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post