Central YMA leh PWD-in Reiek kai tlawng luia lei dawh hna muang an en

Aizawl | Jan 20, 2023: Vawiin khan Reiek kai Tlawng luia lei (BUG Bridge) dawh mek chu, he hna thawktu (Contractor) Sadguru Engineer & Allied Services Pvt. Ltd., Assam ten an hna an thawh muan èm avangin leh an zawh hun tura an intiamna hnuhnung ber February 28, 2023-ah an zo hman dawn lova a lan avangin Mizoram PWD hotute leh YMA hruaituten hna thawh kal mek dan an en ho.

PWD ațangin Pi Lalbiaksângi, EE hovin Aizawl Road South Division SDO leh thawktu dangte an kal a. YMA ațangin, Khuangchera Group YMA, Reiek Branch leh Ailawng Branch YMA hruaitute kalin, Central YMA Vice President Pu Lalhmachhuana hovin CEC member - Pu Peter Chhakchhuak, Tv. Zochhuana leh Tv. Lalnunfela Hlawndo ten he hna thawh kal mêk hi a hmunah an en ho a ni. Contructor hnenah hian chak taka hna thawk zo turin an hrilh.

Reiek kai Tlawng lei siam hna hi February 8, 2017 khan MPWD leh Sadguru Engineer & Allied Services Pvt. Ltd. Assam ten inremna an siam a. February 28, 2019-a zo tura tih an ni. Harsatna hrang hrang avangin hna thawh hun chhûng hi May 31, 2021 thleng pawhsei sak leh an ni a. Kut thlâkna hmuh tur mumal a awm loh avangin Contractor hnenah hian Show Cause Notice pawh Division level ațangin țum hnih leh Superintending Engineer (Central Circle) ațangin țum khat pek a ni tawh a ni. Management meeting hnuhnung ber-ah Contractor hian February 28, 2023-a hna thawh zawh a intiam a ni. Tuna an hna thawh dan en hian, an hun tiam chhûng hian he lei hi dawh zawh theih niin a lang lo a ni tiin YMA hruaitute hian an sawi a. A țul ang anga nawr zui an tum tur thu an sawi bawk.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)