MZP-in Hnam dang minister nei lo tura hmalak rel; Jan chhunga ngeia MSSSB chairman thlak turin sawrkarah thlen dawn

Aizawl | Jan 20, 2023: Mizo Zirlai Pawl (MZP) General Headquarters chuan vawiin January 20, 2023 chhun dar 11 khan MZP Conference Hall-ah Executive Committee meeting vawi 617-na neiin, Mizoram Subordinate Services Selection Board (MSSSB) chungchang, MZP Special Assembly chungchang, MZP Assembly 2022 rorel bawhzui dan tur leh Hnam dang minister nei lo tura hmalak bakah sawrkar hna lakah Computer thiamna CCC pawm a nih theih nana hmalak te a rel.

MZP General Headquarters President Pu Lalnunmawia Pautu a kaihhruai meeting chuan, MSSSB in MZP ngenna ngaipawimawh lova tun hnaia hna lakah hnam dang an tling fo chu hriatthiam har a ti hle a. January 2023 chhung ngeia MSSSB chairman thlak tura sawrkar ngen nise a ti a, Mizo zirlai leh hna zawng mekte tana him tur MSSSB dan (Recruitment Rules) siam a nih theih nana hmalak a, MZP ngenna a hlawhtlin loh chuan, MSSSB titawp tura hma lak nise, tiin a rel bawk.

Vawiin MZP meeting chuan, Sawrkar thar lo awm turah Hnam dang minister an awm loh nana hmalaka Political Party tinte ngen nise, tiin a rel a, MZP ngennain awmzia a neih loh chuan na taka nawr nise, a ti bawk.

Meeting-ah hian Mizoram sawrkar hna lak LDC chin hnuai lamah Computer thiamna Course on Computer Concepts (CCC) hi pawm a nih theih nana hmalak a rel a ni.

Meeting chuan, February 9, 2023 hian Borapansury, Lawngtlai District-ah MZP Special Assembly koh turin a rel a, MZP Assembly 2022 rorel bawhzui dan tur ngaihtuahin mawhphurtu tur an ruat nghal.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)

.