Aizawl | Dec 6, 2022: Zo hnam inpumkhatna inkhawmpui Mizo Zirlai Pawl (MZP) General Headquarters buatsaih ZOFEST 2022 chu zanin dar 6:30 aṭang khan Chhinlung, Sialsuk-ah ṭan a ni.
ZOFEST 2022 palai lawmha inkhawm hi Bialtu MLA leh Horticulture Development Board vice chairman Prof F Lalnunmawia leh Bamboo Link Road Board vice chairman Ramthanmawia te'n thlengtu leh uaptu niin an hmanpui.
Zanin Palai lawm inkhawm hi MZP Gen. Hqrs Adviser F Lalnienga chuan a kaihruai a, MLA Prof F Lalnunmawia, MLA Ramthanmawia, MZP Vice President Andrew F Lalramnghaka leh ZOFEST 2022 Sialsuk Local Organising Chairman Lalneihkima te'n thu an sawi.
Bialtu MLA & Horticulture Dev Board Vice chairman Prof F Lalnunmawia chuan a bial chhungah ZOFEST 2022 nghah a nih chu lawmawm a tih thu sawiin, "kan awmna danglam vangin kan ṭawng leh nunphung danglam hlek hlek awm mahse, inhrethiam tawn takin kan inunauna hi i chhawm nung zel ang u," tiin palai kal khawmte sawmin a chah a ni.
Horticulture Dev Board vice chairman Prof F Lalnunmawia chuan, "ZOFEST pandal ka lo luh hian, 'Chhul khat kual kan ni,' tih hi ka lo hmu a, Zofate hi khawiah pawh awm ila, unau kan ni tih hi hre rengin, inpumkhat deuh deuh ang u," a ti.
sawrkar pawhin Zofate inpumkhatna hi a ngai pawimawh leh a, SEDP ah pawh tarlan niin, 2019 velah pawh Zofate intawhkhawmna hi buatsaih a lo ni tawh a, hripui vangin buatsaih theih a ni lova, chuti ni lo se, India ram hmun hrang hrangah buatsaih a tum a ni," a ti bawk.
Prof F Lalnunmawia chuan, "Engtik niah emaw chuan, Zofate hi rorelna pakhat hnuaiah kan la awm ngei ang tih hi kan ring a, kan beisei a ni," a ti bawk.
Prof F Lalnunmawia, Myanmar leh Bangaldesh ram buaina avanga kan unau harsatna tawkte hi sawrkarin a chhawmdawl a, chhawmdawl zel a tum thu a sawi bawk.
Uaptu MLA & Bamboo Link Road Board vice chairman Ramthanmawia chuan, Mizoramin a mamawh ang zelin Pathianin hruaitu huaisen min pe ṭhin a ti a, Mizoram buai laiin Sipai laka mipui chhan turin Brig. Ṭ Sailo a lo lang a, Rambuai aṭanga remna siam turin Lal Thanhawla a lo lang a, Hripui kara min hruai turin Zoramthanga a lo lang, a ti!
MZP Vice President Andrew F Lalramnghaka chuan, ZOFEST chu Zo hnam inpunkhatna atana buatsaih a nih thu sawiin, "Myanmar leh Bangladesh lama kan unaute'n buaina an tawk mek a, kan unaute tawrhna leh an buaina chu MZP buaina a ni a, an tan MZP a awm reng dawn a ni," a ti bawk a. ZOFEST hlimawm tak hmang turin palai kalkhawmte a sawm a ni.
Zanin program ṭan thleng a palai thleng khawm hi mi 500 an chuang tawh a ni.
ZOFEST hi naktuk hian chhunzawm a ni dawn a, Mizoram Minister of State TJ Lalnuntluanga'n khuallian nia hmanpuiin, ZOFEST Lungdawh a hawng dawn a ni.
Myanmar Chin State Ex Chief minister Salai Lian Luai chuan uaptu niin a hmanpui dawn bawk a ni.
ZOFEST 2022 hian December 9 zan thleng a awh dawn a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: