Vairengte-a Mizoram luhka pui ber kawngpui dan ti tawp

 # Mizoram luhka pui ber dan ti tawp turin Central YMA in palai hna thawk

Aizawl | Nov 5, 2022: National Highway tihzauna tura hma lak mekin Kolasib district-a a paltlang tur ram neitu intel khawm Land Owners Association ten zangnadawmna an dawn tur ang an dâwn vat ngiata Mizoram luhka pui ber Vairengtea an dan chah mek chungchangah Sawrkar ngenna angin Central YMA chuan palai hna thawkin vawiin khan Central YMA hruaituten Vairengte an pana, Kolasib District Land Owners Association hruaitute nen Vairengteah rei tak an inkawm ho hnuah vawiin tlai Dár 4:30 khan kawng dan tih tawp a ni.

Central YMA President, Pu R Lalngheta chuan, Mizoram ei leh bar lakluhna kawngpui ber dan chah hi a fuh lo in, Zoram mipuiten an tawrh loh dan zawnga hmalak ho puiah a sawm a. National Highway an dan pin mek chu ti tawp a, puih an ngaihna apiangah Central YMA chuan a puih theih tur thu sawiin, ngenna a siam a. Sawrkar lam pawhin an thil ngiat hi an hriatpui thu leh theih tawpa chaka hma an lak tur thu Chief Minister in a hrilh thu a thlen bawk a ni.

Land Owner Association hruaitute chuan, Central YMA hruaitute ngenna chu zahawm an tiin, ngun taka an ngaihtuah hnuah National Highway an dan pin chu vawiin Nov. Ni 5, 2022(Inrinni) tlai dar 4:30 atangin an ti tawp ta a ni. Chutih rualin Land Owners Association hruaitute chuan November ni 30, 2022 ralhmaa thu lawmawm an hmu lo a nih chuan an kal zel dan tur rel tha lehin, na zawka hmalak an tum tur thu an sawi tel bawk a ni.

Central YMA chuan an palai hna thawh pawma, an ngenna anga Kawngpui dan an ti tawp ta chu lawmawm an tih thu leh Kolasib Land Owner Association hruaitute leh member zawng zawngte chungah lawmthu an sawi tak meuh meuh a ni.

Central YMA hruaitute hi an President Pu R. Lalngheta hovin, Treasurer Pu Fabian Lalfakawma bakah CEC engemawzat an kal a. Kolasib Sub Hqtr YMA hruaituten an tawiawm bawk a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)