Lunglei | Nov 5, 2022: Lunglei PWD thuneitute chuan ATL Road Km 100 leh 160 inkar kawng siamtu Bhavya Company ten an hun tiam chhungin kawngpui an siam tha lo tih sawiin, hnathawktu te pawh an indah tlem zawk nia an hriat thu an sawi a. Vawiin khan kawng enfiah tur an in tir a ni.
Zonet JB in PWD thuneitu te a biak pawhnaah, PWD thuneitute chuan Bhavya Companyte chuan kawng siamtura Labour an dah te pawh a hma aia tlem an awm nia an hriat thu an sawi a. A hmaa Labour 14 awm thin kha tunah chuan Labour 4 vel chauh an indah nia a lan thu an sawi.
Zonet JB tarlan danin, PWD thuneitute chuan, an hun tiam chhunga Bhavya Company in kawng siamthat hna a thawh leh thawh loh vawiin khan enfiahtu an intir tih sawiin, Thawhtanni ah kawng an enfiahna report te ziah a nih tur thu leh, Thuneitu sang zawk hnenah thawn a nih tur thu an sawi.
Department thuneitute chuan, kan hun tiam a liam a, kawng an siam lo a nih pawhin, PWD chuan a thawk nghal vut vut dawn tihna a ni lo tiin, Thuneitu sang zawk ten engtia hna thawh tur nge tih te, Hmalak dan tur hotuten ruahmanna an siam huna kawng siam tan theih a ni chauh ang tih an sawi bawk.
Tarlan tawh thin angin, ATL Road Lunglei lam hnaih a chhiat lutuk a vangin a siamtu Bhavya Companyte chu mipuiin nasa takin an nawr a. Chuti chung pawha kawng an siam that loh avangin PWD chuan November ni 5 thleng hun pe in, Hemi hun chhunga an siam that loh chuan Bhavya Company ten Security Deposit an dah pawisa hmangin kawng an siam dawn tih mipui hriatah an puangzar tawh a ni.
Bhavya Company ten Security deposit an dah zat hi cheng Vaibelchhe thum a nih thu PWD thuneitute chuan an lo sawi tawh a. He an securitu Deposit hmang hian PWD chuan anmahniin kawng an siam dawn tih an lo puang tawh a ni.
- Zonet JB
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: