Ticker

10/recent/ticker-posts

ṬKP Republic Vengthlang Pastor Bial Inkhawmpui Vawi 3-na ṭan


Aizawl | Nov 18, 2022: Ṭhalai Kristian Pawl (ṬKP) Republic Vengthlang Pastor Bial inkhawmpui vawi 3-na leh rorel vawi 8-na chu zanin aṭang khan BCM Biak In, Venghlui-ah ṭan a ni.


Zanin inkhawm hi ṬKP Republic Vengthlang Pastor Bial Treasurer MS Dawngkimi'n a kaihruai a. ṬKP Unit hrang hrangin report an pek bakah, Pu Alan Lalhriatpuia, ṬKP ITI Veng Unit hnen aṭangin, "Social Media hman dan," inzirtirna hun a hmang.


ṬKP Republic Vengthlang Pastor Bial inkhawmpui hi Mizoram Ṭhalai Kristian Pawl (MṬKP) Vice President Pu F Lalremruatpuia chu speaker atan hman a ni.

Naktuk Nov 19, chhun hian BCM Biak In, Venghlui-ah ṬKP Republic Vengthlang Pastor bialin ro an rel dawn a. Inkhawmpui hian Nov 20 zan thleng a awh ang.

ṬKP Republic Vengthlang Pastor Bial huam chhungah hian ṬKP Unit panga; ṬKP Bethlehem Vengthlang Unit, ṬKP ITI Veng Unit, ṬKP Republic Vengthlang Unit,  ṬKP Salem Veng Unit, leh ṬKP Venghlui Unit bakah 3rd Battalion MAP KṬP te an awm a. ṬKP Republic Vengthlang Pastor bial chhungah hian ṬKP member 711 an awm mek a ni.


ṬKP Republic Vengthlang Pastor Bial Inkhawmpui hi kum khat danah neih ṭhin a ni.






(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments