Aizawl | November 21, 2022: Ṭhalai Kristian Pawl (ṬKP) Republic Vengthlang Pastor Bial chuan Nov 18 zan aṭang khan BCM Biak In, Venghlui-ah inkhawmpui vawi 3-na an nei.
He hunah hian Mizoram Ṭhalai Kristian Pawl (MṬKP) Vice President Pu F Lalremruatpuia chu speaker atan hman a ni.
November 19, 2022 Inrinni khan ṬKP Republic Vengthlang Pastor Bial rorel vawi 8-na neiin, kum 2022 aṭanga 2024 chhunga hruaitu tur an thlang.
Bial ṬKP chanchinbu 'Voxdei' chhuah chhunzawm, Cyber Crime Awareness neih, mental health awareness neih, Eizawnna ngelnghet neih dan kawng leh entrepreneurship chungchanga zirtirna neih te chu thurel langsar zualte a ni a. ṬKP Republic Vengthlang Pastor Bial 2022 - 2023 budget atan cheng 1,62,000 pawm a ni bawk.
ṬKP Republic Vengthlang Pastor Bial 2022 - 2024 hruaitu atan hian heng mite hi thlan an ni;
President - Lalhmangaihtluanga Sailo (ITI Veng Unit)
Vice President - Lalhmunsiama Pautu (Republic Vengthlang Unit)
Secretary - Albert VL Rohlua (Republic Vengthlang Unit)
Asst. secty - Jonathan Lalvenhima (ITI Veng Unit)
Treasurer - C. Lalmuanpuia (Venghlui Unit)
Finance Secretary - K. Vanlalzauva (Bethlehem Vengthlang Unit)
Sr. Adviser - Upa JL Thanzawna, BCM Salem Veng.
Inrinni zan khan Pathian biak inkhawmna neiin hemi zan hian Pu Lalrammuana Sailo, Executive Committee member MȚKP hnen atangin Thuchah ngaihthlak a ni a, Inkhawmpui hi Aizawl City chhung a Bial ȚKP hruaitu dangte Inkhawmpui chhim tura sawm niin an hun neih remchan ang zel ah hun an rawn hmanpui a ni. Tun dinhmun ah Aizawl City chhung ah hian Țhalai Kristian Pawl Pastor Bial 10 an awm mek a ni.
November 20, 2022 Pathianni zingah Pathian biak inkhâwm nei chhunzawm leh a niin Speaker hnen atangin Thuchah ngaihthlak a ni. Pathianni chawhnu fellowship hunah hian Bial chhung Unit intihsiaknan Bible Quiz (Rom Lehkhathawn) atangin neih a ni a, Nl. H. Lalengliani, Executive Committee member hnen atangin MȚKP hmalakna sawizauna neih a ni. Inkhawmpui hi nizan khan a țiak.
ṬKP Republic Vengthlang Pastor Bial huam chhungah hian ṬKP Unit panga; ṬKP Bethlehem Vengthlang Unit, ṬKP ITI Veng Unit, ṬKP Republic Vengthlang Unit, ṬKP Salem Veng Unit, leh ṬKP Venghlui Unit bakah 3rd Battalion MAP KṬP te an awm a. ṬKP member 711 an awm a ni.
ṬKP Republic Vengthlang Pastor Bial Inkhawmpui hi kum khat danah neih ṭhin a ni a, kum 2020 khan hripui vangin inkhawmpui hi an nei thei lo a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: