PRAISE ON 2022 a hmawr bawk ta; Malsawmdawngzuali a zaithiam ber!

Aizawl | Nov 18, 2022: Synfo leh Central KTP thawk dun buatsaih Branck KTP mal zai intihsiakna 'Praise on 2022' chu zaninah zawh fel a ni ta a, KTP branch hrang hrang atanga mi 300 chuan inel zingah Tlangnuam West nula Malsawmdawngzuali (Ms-i) chu zaithiam berah thlan a ni.

Final round thlenna hmun Mission Vengthlang Presbyterian Kohhran Golden Jubilee hall-ah result puan leh lawmman semna hun neih a ni a, Praise on 2022-a tan thlan chu Malsawmdawngzuali (Ms-i) a ni a, pathihna chu Durtlang nula Lalramnunmawii (Mawitei) a ni a, pathumna chu Laipuitlang nula R. Lalnuntluangi (Tluangtluangi) a ni.

Pakhatna hi sum fai Rs 1,00,000 bakah citation leh trophy hlan a ni a, pahnihna hnenah Rs. 50,000 leh pathumna hnenah Rs. 30,000 hlan an ni a,an ni pahnih pawh hi citation leh trophy hlan tel an ni a.  Top 10 zinga mi 7 te chu Rs. 7,000 theuh leh citation hlan an ni bawk.

Result puan zan hian Praise On Solo 2016-a pakhatna Nl. R.Lalrinmawii leh pahnihna Tv. Zorinsanga Sailo, Praise On Group Zai 2017-a pakhatna Dam Veng Branch, Praise On Band 2018-a pakhatna Electric Vengthlang Branch, Mizoram Synod Choir, Mission Vengthlang Band leh Praise on 2022-a pakhatnaa thlan takte an zai a ni.

Synfo leh Central KTP thawk dun buatsaih Praise on 2022 Finalist te hi an zai thiam tlang hle mai a, endiktute atan pawh thlan chhuah thiam harsa tur khawp a ni a. Top 3-a in hlang kai zo lo zingah hian zai leh musical instrument khawih thiam, intihsiakna neih lai pawha mipui lawm hlawh tak tak te an awm a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)