Ticker

10/recent/ticker-posts

Social Welfare Minister Dr. K Beichhua'n Oxygen Concentrator semchhuak

Aizawl | Nov 16, 2022: Vawiin khan Social Welfare & Tribal Affairs Minister Dr. K Beichhua chuan ‘National Action Plan for Senior Citizens' hnuaiah Mizoram Upa Pawl (MUP) te hnenah Oxygen Concentrator semchhuahna hun a hmang.


Minister chuan Oxygen Concentrator semchhuah a ni chu lawmawm a tih thu a sawi a. Dam tha pangngai tan a ho viaua lang si, damlo leh upa lam tana tangkai tur tak a ni tiin, hma lamah pawh theihtawp an chhuah zel tur thu a sawi. Social Welfare & Tribal Affairs Minister chuan MUP leh Social Welfare Department chu kal ho zel tur niin phak tawka inpui reng tur an nih thu a sawi a, MUP President Pu Lalhuapzauva kutah Oxygen Concentrators hi a hlan nghal.

He hun hi Social Welfare & Tribal Affairs Department Director, Pi Zodingpuii'n a kaihruai a. Pi Caroline Hmingthanzuali, OSD, Social Welfare & Tribal Affairs Department chuan report a pe bawk.

'National Action Plan for Senior Citizens' hnuaiah Social Welfare & Tribal Affairs Department chuan Khaw thlanchhuah 29-ah Oxygen Concentrators hi semchhuakin, PHC leh Hospital awm lohna khuate ngaih pawimawh a ni. Kum upa hriselna lama harsatna neite bakah khawtlanga a mamawhte tana hman tura ruahman niin, khaw tina Upa Pawl awmte kutah hlan a ni a. Upa Pawl awm lohna khuaah Community Based Organisation-te kutah pek a ni.

Vawiina Oxygen Concentrator semchhuahna hunah hian MUP President, Vice President leh member-te bakah Social Welfare Department officer leh staff-te an tel a ni.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments