Aizawl | Nov 16, 2022: Vawiin khan Government Zirtiri Residential Science College, Durtlang Leitan-ah Higher & Technical Education, Government of Mizoram hnuaia Government College Principal leh Officers meeting neih a ni a. He hun hi Dr.R.Lalthangliana, H & TE Minister chuan khuallian niin a hmanpui .
Khuallian Dr.R.Lalthangliana Minister, H&TE chuan Principal level meeting an nih avangin a pawimawh thu sawiin meeting neihna hmun Zirtiri Residential College pawh Grade A a ni chu a lawmpui thu a sawi. College building tha neih tluk zeta pawimawh chu academic quality tha neih a nih thu a sawi a. Mizorama college te chu tan la zual sauh turin Minister chuan a fuih a, Grade A college pawh neih belh zel tura tan lak a ngaih thu a sawi. College hmunhma tha awm tawk loh chu pawi a tih thu sawiin Principal kalkhawmte hnenah chuan kan college neih chhun te hmunhma tha taka humhalh chu kan tihmakmawh a ni, a ti.
H&TE Minister chuan KVS la awm lohna District a awm nual chu pawi a tih thu sawiin hetah hian College tihhmasawnna tur sum a awm nual theih dawn avangin Principal theuh te hma la turin a fuih a ni. Mizorama zirlai naupangte chu kawng engkima hmantlak ni thei tura chher puitlin chu zirtirtute mawhphurna a nih thu sawiin, zirlaite chu All India level exam chi hrang hranga vawrh chhuak thei tura tan lak kan mamawh thu sawiin ,vawina meeting chuan awmze nei taka zoram tana rah tha a chhuah a beisei thu a sawi a ni.
He meeting-ah hian Faculty leh non-teaching staff indaih lohna te, LDC, Group D leh PE thlenga indaih lohna phuhruk dante sawiho a ni a. College hmun hma leh building lama harsatna hrang hrang tihhmasawn dan tur leh college zirlaite hmasawnna tur hrang hrang ngaihtuahin sawiho a ni. Zawhna hrang hrangte zawhna leh chhanna hun siam a ni bawk.
Khuallian hian College Principal pension tawh mi 8 hnenah Mizoram College Principals' Council-ten Certificate of Appreciation an pek chu a hlan nghal bawk a ni.
He hun hi Pu R.Lalramnghaka, IAS, Secretary, H & TE Department chuan a kaihruai a, Pi Sangchhin Chhinzah, Director, H & TE chuan lawmthu sawiin hun a khar.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: