Ticker

10/recent/ticker-posts

GOLD MEDALIST | MZU M.A History and Ethnography Gold Medalist 2022 Rintluangi

MZU M.A History and Ethnography Gold Medalist 2022 Rintluangi kan belchiang.


MZU hnuaia M.A History and Ethnography-ah CGPA 7.989 hmua Gold Medalist 2022 Lalrintluangi, 'Rintluangi emaw Tluangi' tia koh thin hi  Zoengmawii leh F. Malsawmzuala te fa upa ber dawttu niin, 27 July 1999 khan a piang a. An unau hi pali niin, Mipa 1 leh hmeichhia pathum an ni.

Rintluangi te hi Tlangnuam Vengthar, Aizawl-ah an chhungkuain an khawsa a, kohhran lamah chuan Presbyterian Kohhran a lawi an ni.


Rintluangi'n EXPLORE MIZORAM zawhna a chhannate:
📌 Zirna lam:
~ Pawl 10 hi St. Pauls Higher Secondary School atangin 2015 khan ka pass a, Pawl 12 hi Synod Higher Secondary School atangin 2017 khan ka pass leh a, BA hi Pachhunga University College atangin 2020 khan ka zova, MA History and Ethnography hi Mizoram University atangin kuminah ka zo.


📌 I lehkha zir dan?
~ Zan ah ka zir deuh ber a, rilru chak deuh ka nih loh avangin ka theih ang tawk in ka lo in zir lawk thin. 


📌 Gold medalist i nihna (Subject) leh CGPA?
~ M.A History and Ethnography,  CGPA - 7.989


📌 Gold medalist ni tura i beih dan?
~ Class kal tirh atangin tlem tlem in ka in zir chho ve bek bek a, exam hma thla khat vel atangin ka hunawl neih ang ang te lehkha zir nan ka hmang chho a, ka zir ang chhun chhun kha Pathian in mal min sawmsak a ni ber mai. 


📌 I zirna atana i chhungte pawimawhna:
~ Ka chhungte hian min support tha em em a, ka zirna atana ka mamawh ang ang te min ngaihtuah pui zung zung thin. 

📌 I zirna atana i ṭhiante pawimawhna:
Ka thiante hian theihtawp in min fuih thin a, ka mamawhna a piang ah an tlanchhe ngai lo. 



📌 I duhzawng leh ngainat zawngte:
• Rawng - a dum
• Chawhmeh - alu, bawngsa😆
• Incheina - T shirt, jeans
• Rimawi - Ka ngaithla kual vek mai😂
• Mizo ziaktu zingah- Mafaa Hauhnar, Vanneihtluanga


📌 Mize ngainat zawng:
-Mi lang tlang, fiamthu duh leh fel deuh.

 
📌 Mize ngai nat loh zawng
- Mi chapo


📌 Hobby:
-Lehkhabu chhiar


📌 Relationship status - single


📌 Kawppui atan duhzawng -  Pathian tih mi


Zawhna dang:::
1. A tel lova i awm theih loh:
Chhungkua


2. I nun kaihruaitu:
~ Pathian leh ka chhungte


3. Hringnuna i hlauh ber:
~ Hlawhchham


4. I tih ngai miah loh tur:
~ Mi te hnuaichhiah.


5. Mizo Tualzal nuna ṭha i tih:
~ Tlawmngaihna leh aia upa zahna.


6.  Quote i duh ber:
~ Be the best of whatever you are.

7. Mizoram leh Mizo tualzal nuna Mizo hmeichhiate dinhmun:
~ Tunlai ah chuan mizo hmeichhiate dinhmun a tha tawh em em a, zirna lam ah te pawh hma kan sawn nasa a, mipa te tih theih ang zawng zawng ti thei vek lo mah ila kan dinhmun a intluk thawthang tawh chu ani ber a, chutih rualin hmasawn ngaihna lai chu ala awm ve tho mai.


8. Hnam hmingṭhat leh hmingchhiat kawngah Hmeichhiate'n mawhphurhna:
~ Hnam hmingthat leh hmingchhiat kawng ah hmeichhia leh mipa mawhphurhna a inang deuh reng a, chutih rualin hmeichhia te chu hnam bil ah pawh a hmingchhe hma zawk kan ni a,hnam dang bul a kan khawsak dan te, kan inchei dan leh social media a kan lan dan te kan fimkhur a ngai hle in ka hria.


9. Hnam ziarang chawinun kawnga Hmeichhiate mawhphurna:
~ Kan hnam culture,  thuam leh incheina te kan ngaih hlut thiam a pawimawh a, nu in a fate rilru ah kan hnam hlut na, hnam hmangaihna a tuh thiam a pawimawh hle bawk.


10. Mizote tan 'Fa neih tlem' inzirtir hi a ṭulin i hria em?
Tun dinhmun ah chuan Mizo te hi kan la tlem em em a, fa neih tlem inzirtirna hi kan la mamawh lem lo.


11. Mizo hnam ṭhanmawh bawk nia i hriat?
~ Mizo te zing ah kut tlinglo a sum lakluh leh eirukna a nasa em em a, mi tam tak harhchhuak tawh mah ila  heng thil diklo te hi kan la en liam mai mai zel a, a him chin atang chiahin in ram kan vei a heng te hian kan hnam hmasawnna a ti thuanawp in ka hria.


12. Mizo hnam damna atana  kawng awm nia i hriatte?
~ A hmasa ber ah chuan ram hruaitu tha kan mamawh a, mipui te pawh hnam ah kan chian a kawng engkim ah kan hnam tan a theihtawp kan chhuah a hnam inpumkhatna tur a kan beih te hi hnam damna atana thil pawimawh tak a ni.


13. Hnam chhan nana Hmeichhiate ṭangkaina leh mawhphurna?
~ Hnam chhan nan hmeichhiate hian tangkaina tam tak an nei a, hnam dang pasal neih loh te, kan hnam culture, nundan leh inthuamna te kan ngaihhlut a,  nu in a fate ah hnam hmangaihna rilru a tuh ngheh thiam hi a pawimawh hle.


14. Zirna, Khawtlang leh Kohhran hi?
~ A kal kawp thei vek a, mahse zirlai nih chhung chuan kohhran leh khawtlang a in hman dan tawk kan thiam a ngai viau in ka hria.


15. Khawtlang, Kohhran leh nangmah:
~ Kohhran leh khawtlang a in hman hi kan tihtur ani a, kan chanvo leh mawhphurhna te tha tak a hlen chhuah kan tum tur ani a,theih ang tawk tawk in ka inhmang ve thin.


16. Social Media leh Nangmah:
~ Social media hi kan nitin nun ah a tangkai tawh em em a, chin tawk kan hriat a a tha zawng a kan hman hram hram a pawimawh thung.


17. Mizoram ṭhalai tam tak tlakchham:
~ Tei rei peihna, tumruhna.


18. Mizo ṭhalaite hian ngaihsan tur dik an ngaisangin i hria em?
~ Kan ngaihsan zawng a inang lo hlawm hle a, chutih rualin kan mi ngaihsan te theuh atanga thil tha kan hmuh a kan zir phah chuan ngaihsan tur dik kan ngaisang chu ani maiin ka hria.


19. Ngaihsan tur dik nia i hriat:
Mahni a ding chhuak thei leh huaisen tak a dikna tan ngam te


20. Hlawhtlinna tura pawimawh:
~ Tumruhna, taimakna, teirei peihna


21. hloh i hlauh ber:
~ Chhungkua


22. Hnam dang nupui pasal neih hi:
~ An in hmangaih tlat chuan kan va sawi phak a awm lo a, mahse kei chuan ka Mizo pui ngei ka nei ang.


23. Nupui pasal inneih hmaa mipat hmeichhiatna hman hi?
~ Kan Kristian na nen a inkalh tlat anih bak ah hmeichhia ten an pasal te an pek theih hlu ber chu an thianghlimna anih avangin nupui pasal inneih hma a mipat hmeichhiatna hman hi ka support lo.


24. Hlawhtlinna hi?
~ Hlawhtlinna hian mi hausa leh rethei a thliar lo a, theihtawp chhuah thin te leh tei rei peih te hi an hlawhtling thin. Kan thil tihna kawng engkim ah theihtawp chhuah a kan beih tang tang hi a pawimawh hle in ka hria.

EXPLOREMIZORAM.COM i hmuh dan:
~ Explore Mizoram hi ka lo hriatna a rei ve tawh a, thalai te hriat duh zawng a tam in a news a cover tha a, Mizoram tan a hlu hlein ka hria.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments