Ticker

10/recent/ticker-posts

Siaha-ah JANJATIYA GAURAV DIWAS lawmna kawng zawh

Siaha | Nov 15, 2022: India in Zalenna a hmuh champha vawi- 75-na lawmna (Azadi Ka Amrit Mahotsav) kal zel pualin Janjatiya Gaurav Diwas lawmna kawng zawh, MTP(H), Foxall Higher Secondary School leh Joel's Public School zirlai naupang ten Bus Station atangin DC Office Complex thleng an zawh a ni.


Nikum(2021) atang khan November ni 15 hi Tribal te zing atanga India ram Zalenna sualtu Mihuaisente hriatrengna leh chawimawina Ni Janjatiya Gaurav Diwas atan sawrkar laipui chuan a lo puang tawh a. November ni 15 hi Tribal te zing atanga Zalenna sualtu hruaitu mihuaisen leh langsar tak, Tribal leader Birsa Munda pian Ni denchhena Janjatiya Gaurav Diwas atana puan a ni.

India in Bristish atanga Zalenna a sual lai khan, India rama Tribal hmun hrang hranga awm te pawhin, an phak tawkin India ram Zalenna sualtute rual khan Bristish sawrkar kha an awm hmun theuhah an lo do ve a ni.Chung zalenna sualtute hriatrengna leh chawimawina Ni chu Janjatiya Gaurav Diwas hi a ni.

Tukin Janjatiya Gaurav Diwas kawngzawh vailiamtu hi Pi Lalnunmawii,Addl.DC chuan JGD lawmna puala Kawng zawha lo tel te hnenah lawmthu sawiin, Nangmahni avangin Siaha in India ram hmundang te rualin Janjatiya Gaurav Diwas pualin ke kan pen ve thei a ni, a ti. Pi Lalnunmawii chuan tukin kan kawngzawh hian keini Tribal te pawhin India ram zalenna turin nasa takin thah kan lo thawh tawh a, a himna leh hmasawnna zelna turah pawh mawhphurhna sang tak kan neih a ni, tih min hriat nawn tir se. India ram hi ram muanawm, Sakhaw tihbik nei lo leh mipui rorelna ram a ni chhunzawm zel theih nan India ram khua leh tui tha mi ni vek turin Janjatiya Gaurav Diwas pualin ka sawm a che u, a ti.


Janjatiya Gaurav Diwas lawmna kawng zawh hi Bus Station,New Colony atangin DC office complex,Siaha Vaihpi thleng neih a ni a.Pu N. Solomon Beihlotha in MTP(H) ai awhin JGD lawmna puala kawngzawhtute hnenah lawmthu sawiin, kawngzawh programme hi a khar ta a ni.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments