Ticker

10/recent/ticker-posts

GOLD MEDALIST | MZU Msc Botany Gold Medalist 2022 Rachel Lalremruati

MZU M.Sc Botany Gold Medalist 2022 Rachel Lalremruati kan belchiang.


M.Sc Botany-ah CGPA 9.227 hmua Gold Medalist ni thei Rachel Lalremruati hi a thiante chuan Rachel/Mami tiin an ko thin a, Rosangpuii leh Lalramthanzawna fanu niin, March 22, 1998 khan a lo piang a ni.

Rachel hi unau pathum zinga milai niin, nuta pakhat a nei a ni a. Upper Republic, Aizawl-ah chengin an khawsa a, Presbyterian Kohhran-ah an lawi a ni.

Rachel hi M.Sc Botany Gold medalist a nih mai bakah hian, 2021 khan MZU Varsity Miss- 2nd Runners up a lo ni tawh bawk a ni.


Rachel Lalalremruati'n Explore Mizoram zawhnna a chhannate:
📌 Zirna lam:
Pawl 10 hi Jeruel English School (SEBA) atangin 2015 khan ka pass a, pawl 12 hi Synod Higher Secondary School atangin 2017 khan pass lehin, B.Sc hi 2020 khan Pachhunga University College atangin ka zo leh a, Kuminah MZU atangin M.Sc Botany ka zo leh ta a ni.


📌 I lehkha zir dan? 
A zir reng tia sawi tur chu ka ni lo. Mahse, zir tlem chu ka inti phal bik lo. Ka zir tawh chuan rilru leh tih tak zetin ka zir thin. 


📌 Harsatna I hmachhawn dan?
Mihring tutan pawh harsatna hi chu kan pumpelh thei lova, mahse, kan nunah hian thil chhia leh tha pawh a ral ve mai zel tiin rilru leh taksa inti chak turin ka infuih ve mawlh mawlh zel. 


📌 Gold medalist i nihna (Subject) leh CGPA?
~ M.Sc Botany, CGPA- 9.227


📌 Gold medalist ni tura i beih dan?
~ Zing 3-4 vela han thawh zak zak chang chu ka nei ve a, gold medalist kha nih ka tum tawp a ni mai. Science lamah phei chuan Innovation in Science Pursuit for Inspired Research (Fellowship) a dawng theih tih ka hriat ngat phei kha chuan ka kal zelna atana pawimawh a ni vang khan ka theih tawp ka chhuah ve ni. 


📌 Gold medalist ni tura i beihnaah faculty lamin an ṭawiawm/pui ṭha chein i hria em?
~ Exam hma ṭang khan ka dam lo nasa em em a, exam loh hial te ka han tum a, kan HOD (R Lalfakzuala) chuan exam hram hram tur ten min han fuih ve a. Exam ni hmasa berah phei chuan Isolation exam ten ka han ṭan a. Zirtirtute min ngaihsak em em a, min hrethiam. Eng nge i an? tih pawh exam chhung zawngin ka dawng hnem khawp mai.


📌 I zirna atana i chhungte pawimawhna: 
Ka nu leh Pa hian kan unau zirna tan a nih phawt chuan kan thei lo tih hi an nei ngai lova. Kar hla atrangin bang lovin min tawngtaisak a. Kan exam lai khan ka nu hian min awmpui a, ka dam lo nasa sia, lehkha ka zir thei si lo a, a tuk exam mai a ni thin sia, exam chhung zawng khan ka mu tur thlaphang hi ka nu kut vuanin ka muhil thin a ni. Ka nu hian test kan neih rigawt pawn fianrial ah tawngtaina a lo nei thin. 


📌 I zirna atana i ṭhiante pawimawhna:
~ Zirna kawngah thenrual tha ten hlim ni a min lawmpuia, lungngaih nia kan tana an awm rigawt te hian nun hi a hlutna a tizualin a hlimawm, hmangaih nih a hlutzia min hriatchhuah tirin, chakna min pe . 


📌 I duhzawng leh ngainat zawngte:
• Rawng - Pastel color
• Chawhmeh  - eng pawh (ka nuin Mo  tur innia ei theih vek tur ati😂) 
• Incheina - Smart tak nise, nu hnap se. 
• Rimawi – Pop
• Mizo Ziaktu zingah - Thlan biktur ka hre mailo. 
• Hla- Thinlung a thlir zawk thin. 
• Hla phuahtu - Taylor swift
• Teacher - Mi ngilnei, hriathiamna nghah leh Zirlai te hmangaihtu. 
• Leader - Mother Teresa, (Mi chanhai zawk te huikhawma enkawla, hmangaihtu hi ka thinlungah chuan Leader ropui ber.)


📌 Mize ngainat zawng: 
~ Midang te hriathiamna nghah, mi rinawm, mi dik.


📌 Mize ngai nat loh zawng:
Mi hnuaichhiah, hmusit ching, phakar deuh😂. 


📌 Hobby- Dancing, playing games. 


📌 Relationship status - Single


📌 Kawppui atan duhzawng:
~ Pathian thih, mi taima, rinawm, mawhphurna hlen thiam, ahun leh hmuna insiam rem thei zel. 



Zawhna dang:::
1. A tel lova i awm theih loh:
Pathian


2. I nun kaihruaitu:
Pathian


3. Hringnuna i hlauh ber:
Ka mi hmangaihte keimah vanga an mittui tlak. 


4. I tih ngai miah loh tur: Mi hmusit. 


5. Mizo Tualzal nuna ṭha i tih:
Tlawmngaihna


6.  Quote i duh ber:
"Eng dinhmunah pawh nang chuan thil tha tiin mi dangte hmangaih zel ang che, tichuan, I Pa vana mi hnen atangin i lawmman chu a lo thleng ang". - Ka pa


7. Mizoram leh Mizo tualzal nuna Mizo hmeichhiate dinhmun:
Mizo hmeichhiate dinhmun hi athra thawkkhatin ka hria, mahse thil han tih nikhua velin hmeichhia nihvanga titheilo turah leh hmeichhia thu anivanga ngaihpawih tawklohna hi chu areh taktak thei hian ka ringlo. 


8. Hnam hmingṭhat leh hmingchhiat kawngah Hmeichhiate'n mawhphurhna:
Hnam hmingthat nan hian mitin te kan pawimawh a, hnam dangte zinga kan chezia leh nundan kawngah  zahawm tak leh Kristian takin le. 


9. Hnam ziarang chawinun kawnga Hmeichhiate mawhphurna:
Hmeichhia te hi fa enkawl tu leh hun hmangtam zawk kan nia, kan tu leh fate kan hrilh hriat hi kan mawhphurna niin kan ram tan a ni. 


10. Mizote tan 'Fa neih tlem' inzirtir hi a ṭulin i hria em? 
~ Ti lemlo. Mahse, thil zawngzawng hi mi zawng zawng tan hian a tha vek kher lo a, chhungkua khawsak mil a zir zelin, phak tawk ang zelin fa neih zirtirna sawi uar ila thain ka hria. 


11. Mizo hnam ṭhanmawh bawk nia i hriat?
Tum tak tak na kan nei lo. Midang te tih vanga a hminga tih ve mai mai hi kan uar. 


12. Mizo hnam damna atana  kawng awm nia i hriatte?
Pathian thih a, rinawmna leh dikna dah hmasak. 


13. Hnam chhan nana Hmeichhiate ṭangkaina leh mawhphurna?
Kan hnam hi i hai lovang u, Kan Mizo nunmawi te chhawmnungtu ni zelin.


14. Zirna, Khawtlang leh Kohhran hi?
~Zirlai ni chunga Khawtlang leh Kohhrana inhman tluk a awm lo, mahse, chuti lai erawh chuan dinhmun a inang lo a, nu leh pa kara zir lo an tam a, inhlawhchawpa zir an tam, dinhmun a zirin insiam rem zel theih hi a tha mai.



15. Khawtlang, Kohhran leh nangmah: 
Khawtlang leh Kohhrana hian ka inhmang lutuk lo. Zirna Rûn lama inrelbawlna leh thil tihkhawmna naah hian ka inhmang ve thung a, unau a awm kan nih avang hian inah nu leh pa han ring tur nei lo ta nana chuan hun ten minlo daih lova, inhman ve zeuh zeuh erawh hi chu ka chak ve thin. 


16. Social Media leh Nangmah:
Khawvel chankanna in a keng tel a nihna laiah hian a hming hian ka khawih ve a, thil tih tur pawimawh leh zir hunah chuan ka khawih lo thei lutuk. 


17. Mizoram ṭhalai tam tak tlakchham: 
Tih taktakna nun. 


18. Mizo ṭhalaite hian ngaihsan tur dik an ngaisangin i hria em?
Ngaihsan zawng a inanglo, kan ngaihsan chhan leh kan entawn atan Principle dik nise. 


19. Ngaihsan tur dik nia i hriat:
Mi rinawm leh dik . 


20. Hlawhtlinna tura pawimawh:
Taimak, tih hram hramna nun.


21. Hloh i hlauh ber:
Ka hmangaihte. 


22. Hnam dang nupui pasal neih hi:
A tha ka ti lo. Mahse, thil zawng zawng hi mi zawng zawng tan a theih vek lo, dinhmun a inang lo. 


23. Nupui pasal inneih hmaa mipat hmeichhiatna hman hi?
A tha lo. I inveng ang u. 


24. Hlawhtlinna hi?
Hlawhtlinna hi lungawina. Miin eng pawh tiin thawk se a hlim a, a lungawi phawt chuan mi hlawhtling a ni mai lo'm ni?



I thalaipuite tan fuihna--- 
I ram in a mamawh che, dik tak leh rinawm takin lo ding chhuak la, nang malsawmna ni angche.



EXPLOREMIZORAM.COM i hmuh dan:
~ Mizo mipuite a theih ang ang chawisangin, in chawimawi thiam e. Midang tan malsawmna lo ni zel ang che u.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments