Ticker

10/recent/ticker-posts

hnathawh hrang hrangte hi a tloin, belhchian a dawlin a mawi tur a ni - MoS Lalruatkima

Aizawl | Nov 15, 2022: Vawiin khan Information and Public Relations Minister leh Aizawl West II bialtu MLA Pu Lalruatkima chuan Vaivakawn leh Dawrpui Vengthar-a hmasawnna hna thawh mek leh hmachhawpte a hmunah kalin a enfiah.


Minister Pu Lalruatkima hian Vaivakawn MUP building sak mek chu tlawhin sak zawm dan tur MUP hotute nen an sawiho a. Dawrpui Vengthar Anganwadi sak mek sak zawm dan tur pawh a hmunah kalin a enfiah bawk a ni. Heng bakah hian Joint YMA Field sira step railing siam leh kawr siamthat te a hmunah a en nghal bawk a ni.



Minister Pu Lalruatkima chuan thusawiin, sawrkarin kawng hrang hrangin hmasawnna hna a kalpui mek zel a. Heng hnathawh hrang hrangte hi a tloin, belhchian a dawlin a mawi tur a ni a ti a. Sawrkarin theih tawp chhuaha kawng hrang hranga hmasawnna lamtluanga min hruai zel hi a lawmawm tak zet a ni a ti a. Hripui avangin duhthusam chu kan thleng chiah lo deuh naa mipui tan theih tawp sawrkarin a chhuah a, a chhuah zel bawk ang tiin a sawi.

Minister Pu Lalruatkima hi Pu Lalfakzuala Chenkual AMC Corporator leh khawtlang hruaituten an tawiawm a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments