Aizawl | Nov 15, 2022: Nimin chawhnu hera Hnahthial district-a Maudarh khaw bula ABCI hnathawkte lung lakna hmun chimin a delh zinga ruang 8 chu lakchhuah a ni tawh niin thudawnna chuan a tarlang.
Ruang zawn hna hi tlaivara thawh a ni a. Tunah pawh thawh zui zel a la ni. Ruang an lakchhuah hmasak ber hi nizan dar 9 leh minute 45 vel ami kha a ni a. Taksa bung a awm nual avangin lakchhuah zatah pawh hian sawi sual palh a hlauhawm thu an sawi a. He kawng siamtu company hotute leh leiminin a chhilh tak chhungkhat hnaite hian nizan lam kha chuan ruang lakchhuahte hi tute nge an nih hre turin an la en ngam lova. Tukin lamah hi chuan tute nge an nih hre tura buaipui a nih dawn thu YMA hruaitute chuan an sawi a ni.
Hnahthial leh Dawn inkar National Highway no. 54 laih zauh hna thawktu ABCI company hnathawkte lung lakna chimin a delhte hi mi 10 aţanga 15 ni a rin a nih thu Hnahthial district bawrhsap Pu R. Lalremsanga chuan a sawi a. Lung lakna hmun min hi metre 5,000 bial zeta zau a nih thu leh mihring bakah hian lei laihna khawl 5, lung herna khawl lian 1 leh lei verhna khawl pakhat a chhilh bawk thu a sawi a ni.
- AIR Aizawl
Tukin zing dar 7 thleng khan ruang 8 lak chhuah tawh a ni a chungte chu post mortem tur a lak an ni a, chhiatna thlenna hmun NDRF team ten an awmchilh mek a, ruang la hmuh loh te lak chhuah tumin hmalakna ngawrh tak a kalpui mek zel a ni.
Nimin tlai a Maudarh a quarry hian hnathawk mi 12 te bakah excavator 5, stone crusher 1 leh drilling machine 1 a chhilh tel bawk a, quarry chim/leimin hian sqm. 5,000 bawr vel a awh niin Hnahthial DC report ah tarlan a ni. Quarry chimin a chhilh ah hian Mizo an awm lo nia hriat a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: