Ticker

10/recent/ticker-posts

I NUN DUHTHUSAM I THLEN THEIH DAN TUR

 Nun duhawm zawk nei tura inbuatsaih dan

— Rick Warren 

— Nov 15, 2022


“Pahnih chu pakhat ai chuan an tha zawk, an thawh chhuah that avângin. An tluk pawhin pakhat chuan a thian chu a khaiding dawn si a; mahni chauhva awm kha erawh chu a chung a pik e, a tluk chuan khaidingtu tûr a nei si lo. Thuhriltu 4:9-10

I nunah thil ropui zawk thleng tura Pathian lam i hawi lai hian, nun duhthusam thlen turin thudik deuh pahnih i hriat tur a awm.

*Pakhatna, eng duhthusam mah hi midang ṭanpuina tel lo chuan puitlin theih a ni lo.* In kan sak pawhin ṭanpuitu , hrang kan dah ang hian, i duhthusamah pawh hian ṭanpuitu i mamawh a ni. Hlawhtlinna tak takah chuan mi pakhat chauh an inrawlh ngai lo. Thil awmze nei tak ti tur chuan midang ṭanpuina i mamawh zel a ni. Pathianin inmamawh tawn turin min siama chuvang chuan mi dangte nena thawhho dan tur kan zir dawn a ni..

Bible chuan, “Pahnih chu pakhat ai chuan an tha zawk, an thawh chhuah that avângin. An tluk pawhin pakhat chuan a thian chu a khai ding dawn si a; mahni chauhva awm kha erawh chu a chung a pik e, a tluk chuan khaidingtu tûr a nei si lo." Thuhriltu 4:9-10

I duhthusam bawhzuina kawngah engvangin nge nangmah chauhin i chet theih loh? Kawng thum en ila:

• Thil engkim i hre vek lo.

• Engkim ti vek turin hun leh tha i nei lo.

• I duhthusam thleng turin thiamna zawng zawng i nei vek lo.

A khaikhawmna atan: Duhthusam thleng turin pawl anga thawhho angai.

*Pahnihna, eptu an awm loh chuan eng duhthusam mah hi a puitling thei lo.* I duhthusam puitlin tura hma i lak rual chiahin nangmah tihnualtu tur Pathianin a pe ang che. Chumi chu i ti ang u i tih rual rualin, i tilo ang u ti tu an awm nghal ang. Mahse heng mi tibuaitute hi chu khawiah pawh an awm vek. Nangmah dodal tur leh i tum ti tlawlh turin an bei ngar ngar ang.

Nehemian Jerusalem kulh siamṭhat a tum khan sawiseltu pahnih an awm a, "Horon mi Sanbalata leh Amon mi, chhiahhlawh Tobia ten an lo hriat chuan, Israraela thlahte thawvenna ngaihtuah tûrin mi an lo kal zu nia tiin an lo lungni lo hle mai a" Nehemia 2:10. Nehemia leh kulh siamṭhat duhtute chu an nuihzata, fiamthu thawh nan an hmang a ni.

Mahse Nehemian amah dodaltute beihlet nan hun a hmang tam lo - nang pawhin i hmang tam tur a ni lo. Mi sawi ang apiang i tih zel chuan engmah i thawk hman lo vang. Chu ai chuan, Nehemia angin, mawlmang takin chhang la, kal zel rawh. Nehemia chuan, "Van Pathian chuan mi tihmuingil ang a; chutichuan keini a chhiahhlawhte chu kan tho vang a, kan din ang a” (Nehemia 2:20).

Hei hi hrereng la, duhthusam ram thleng turin puitu pawl i mamawh, hnathawk tura ke in penna kawngah chuan dodaltu in hmu zel ang. Khing i duhthusam tihlawhtling tura thil pahnih hi i hriatthiam chuan, Pathianin i nuna thil a ruahman chu tihlawhtling turin ke i pen thei ang.

Ngaihtuah zui atan

* I nuna i thiltum tihhlawhtlinna kawngah tuin nge pui che? Engtin nge an puih che?

* Pathian hnathawhpui pawlho chu — i hnathawhnaah, schoolah emaw inah emaw — i duhthusam a taka chang turin engtin nge an thawh?

* Nangmah dodaltute engtin nge i chhanlet ṭhin? Pathian thiltum i bawhzuina kawngah vawiina kan zirlai hian a lehpekah chuan dodaltute chu engtin nge danglam deuh zawkin i hmachhawn theih ang?

*[Lettu: Sangpuia]*

Post i hmuh dan

Post a Comment

0 Comments