" . . . . kan thawmhnaw inbel te leh kan incheina hi entawn a, lo hak a, neih ve chak ngawt lo turin ka duh che u a ni."
ZONET ten kumtin deuh thaw an buatsaih thin Thazual Award hi, tha ka tiin zaimi tan leh Mizo rimawi chawisanna hun tha tak a niin ka hria a, anireng bawk a, zaithiam lar tak tak bakah an hmel kan la hriat vak loh te tan thleng a platform tha tak a ni a,mi talented tak tak ten larchhuah a, hmalam hun tha tak neih nan an hmang thin hi a tha hle a ni.
Chutih rual chuan thil engkim deuhthaw hian thatna a neih rualin, that lohna a nei ve tho ang hian, heng Awards sem emaw eng emaw tih nikhua chang a, kan incheina leh kan thawmhnaw inbel te hian thangthar te leh mi tam tak rilru a hruai fuh loh theihna chen a awm ve thei hlein ka hria.
Hetah tak hian hei hi thlirtuten kan hriat a tulin ka hria a - kan thawmhnaw inbel te leh kan incheina hi entawn a, lo hak a, neih ve chak ngawt lo turin ka duh che u a ni.
He award semna hi mi tam takin a nhlut a an thlir dawn tih hriain, designer in an hming chher nan leh an sumdawnna a len zel nan an theih tawpa mawi thawmhnaw an siam a, chu chu keiniin sum seng loin kan lo hak sak mai bakah thenkhatah chuan sum hlawh ten kan ha ve thin bawk a ni.
Tichuan, heng award semna emaw, eng eng emaw programme hi, lehlamah chuan mi thenkhat tan, hna chi khat zawnna emaw thawhna a ni ve a ni, ti mai teh ang.
Chuvangin, thalai ten heng incheina te hi rilru la pengtu ah hman loh hram tum ila, engti zawng pawhin sawisel mahila khawvel changkannain a ken thil tam tak hi, 'kan hnamin a la pha lo,' ti fo mahila kan dan zawh loh thil tam tak hi a awm a, a awm zel pawh a rinawm.
Chuvangin, kan mita kan hmuh, pawn lam landan ringawt hian Mizo thangthar leh mi tam tak te min hruai peng lo se, tichuan, mi thil tih sel mai lovin, mahni hna theuh rinawm takin thawk ila, hmasawnna hi kan lamah atang ngei dawn a ni.
Thanthani Huang @ https://www.exploremizoram.com/search/label/Thanthani%20Tuallawt
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: