INREMLOHNA LO AWM ṬHIN HI ENG VANG NGE?

 _Nun duhawm zawk nei tura inbuatsaih dan_

*INREMLOHNA LO AWM ṬHIN HI ENG VANG NGE?*

— Rick Warren 

— Nov 29, 2022

“Tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u.” Kolossa 3:13

Inremloh hi i duh lo maithei e. Tute pawhin a theih hram chuan pumpelh an duh ṭhin! Amaherawhchu inremlohna hi pumpelh vek theih a ni lo - tumah hi mi famkim kan awm loh avangin.

Nun duhawm zawk neih i duh a, i tum tihhlawhtlin i tum a nih chuan, Pathianin heti hian a ko che, "tupawhin tu chungah pawh thupawi nei ang ula indawh tawnin inngaidam tawn ula; Lalpa chuan a ngaidam che u ang tak khan ngaidam ve rawh u” a ti (Kolossa 3:13).

Inremlohna chu rilru hrisel tak pu a i hmachhawn hmain, inremlohna lo awm chhan tlangpui i hriat hmasak a ngai a. Nehemia bung 5 ah, a chhan tlangpui kawng li i hmu thei ang:

*1. Mamawh phuhruk a nih lohin.* Mamawh phuhruk a nih lohna chu taksa, rilru, inlaichinna, nupa nun emaw sum leh pai emaw a ni thei.

Nehemia hunlaia an mamawh chu taksa lama mamawhna a ni: Mipuite kha an rilṭam a ni. Jerusalemah kulh siamṭhatna hna an thawka mahse ṭam an tawk tlat mai. Mipuite chuan, "Keiniho hi kan fapate leh kan fanute nên kan thahnem hle a, ei tûr lamah hian kan hautak hle si a," an ti a. (Nehemia 5:2).

*2. Hnung tawlhna.* Hmasawn lo riauva i inhriat chuan, rilru kawi put a awl khawp mai. Chu chuan inremlohna a hringchhuak duh hle.

Ṭam an hmachhawn lai chuan Jerusalem mipuite chuan leiba an ngah tulh tulh a, mamawh chawk luh tur a tlem a, thil man a sang tual tual si a. Thenkhatin, "Kan tam si a, ei tûr kan nei lo. Kan lote kan dahkham si a," an ti a.” (Nehemia 5:3). An hna an chhunzawm thei lo a ni!

*3. Hruaitu midang ngaihsaklohna.* Thiltihtheihna nei chinin harsatna an tawh chungchangah engmah an tih duh loh chuan inremlohna hi chu thil thleng lo thei a ni lo.  

Ṭam an hmachhawn piah lamah, Israel mipuite khan ngaihsaktu hruaitu an neih loh avangin nun khawchhuahna turin an bei tak tak a ni: “Lal hnêna chhiah chawi atân sum kan puk a, chu mi atân chuan kan lote leh kan grêp huante kan dahkham” an ti a. (Nehemia 5:4). Ṭam tawk mek an ni chungin, lalin mipuite chhiah chawi a awl chuang lo a ni.

*4. Danglamna thlen turin tih theih engmah nei lo va an inhriatin.*  I chhehvel a mi ten hma an sawn lai hmu reng sia engmah tih ve theih loh hi a rilru natthlak hle a ni. Khawvel hmun danga mi te pawhin chutiang rilru tho chu an pu a ni.

Nehemia hunlai khan, ramneitute khan mi rethei zawkte an hnuaichhiah hle a. Naupangte kha sal atan te an lei a ni! Mipuite chuan, “Kan tisa chu kan unaute tisa ang bawk a ni a. Kan fate pawh an fate ang bawk an ni si a: nimahsela hei, kan fanute leh kan fapate hi chhiahhlawh atâna bawihah kan luhtir takngial dawn hi; kan fanu thenkhatte phei chu bawiah an lût tawh nghe nghe a: chhan ngaihna hre hek lo i, miin kan lote leh kan grêp huante lah chu an nei ta si a," tite an awm nual bawk a. (Nehemiah 5:5).

Tunah chuan inremlohna chhan hrang hrang te i hre ta, Bible aṭanga hmachawn dan i hriat a ngai ta a ni. Naktukah chuan inremloh lai pawha zahawmna hlawhchhuah dan kawng thum kan zirho thung dawn a ni.

Ngaihtuah zui atan

* In khawtlangah mamawh phuhruk a nih lohna engte nge i hmuh? Chung mamawh pakhat tal chu phuhruk a nih theih nan tunkar chhung hian engtin nge hma i lak theih ang?

* Hmachhawp i neih i hnungtawlhsan kha engtik nge. Chu chuan m idang te nena in inkarah inremlohna engtin nge a thlen?

* Hruaitu mi dang ngaihsaklo ni lo, mi dang ngai pawimawh tak mai ngaihtuah teh. Chu chuan i nunah engtin nge thil duhawm a thlentir le?

[Lettu: Sangpuia]