- K. Remruatfela
1. Group A ah hian Qatar an tla tawh a. A bak zawngin beiseina an la nei vek. Netherland hi an chak emaw draw pawhin an tlang dawn a. Tin, an chak lo a nih pawhin gd azirin tlang theihna chance an la nei tha hle bawk. Senegal hi tlang tur chuan an chak ngei ngei a ngai a tih theih a. An chakloh chuan an tla chiang a, an draw a nih pawhin Qatar in Netherland si hnih chin aia tama an sawp te a nih ngawt lo chuan tla thei dinhmuna ding tho an ni. Equador hi an chak emaw draw emaw tlang thei an ni a. An chak lo hlauh a nih erawh chuan lehlam inkhel result azira tla thei dinhmuna ding an ni. An chak loh a nih chuan tlang turin Qatar in Netherland an hneh ve ngei ngei a ngai.
2. Group B hi dinhmun la chiang lo vek an ni a. Nimahsela, England hi tlang chiang tluka ngaih theih an ni. An chak emaw draw emaw pawh ni se tlang chiang sa an ni a. An chak zo lo a nih pawhin an insawp tir viaute nih loh chuan an tlang dawn tho. Wales tan tlang turin chak ngei ngei a ngai a. Chutah pawh goal margin 5 tal emaw lehlam pang inkhelte an inhnehtawk ve emaw a la ngai cheu. Iran hi gd win or draw hmanga lut thei ve ve dinhmuna ding an ni a. Nimahsela, an draw a nih chuan gd an nei chhe si a, Wales in England an hneh vaih chuan tla thei dinhuna ding an ni. USA hi tlang tur chuan point 3 an hlawh chhuah ngei ngei a ngai thung.
3. Group C pawh hi beisiena la nei vek an ni a. Argentina hi an chak chuan group leader nihna chance an nei tha hle a. An draw a nih pawhin leh lampang result azira tlang thei tho an ni. Poland hi win/loss/draw a la tling thei vek an ni a. An chak lo a nih pawhin Mexico in goal margin 3 aia tam lova Saudi an hneh chuan an tlang thei tho. Saudi Arabia tan chak ngei ngei a ngai tluk a ni a. An draw vaih chuan tlang turin Argentina an chak lo ngei ngei a ngai thung dawn. Mexico hi an chance a chhe ber a. Tlang tur chuan si 3 emaw a aia tam emaw tala an tumpui an hneh a ngai dawn. (Gf lam chu sawi duah lo mai ila).
4. Group D ah hian France hi an lut chiang tawh a. A bak zawngin beisiena na la nei vek. Denmark tan lut turin chak ngei ngei a ngai dawn a. Australia tan erawh lehlam inkhel result a zirin draw pawhin luh theihna chance an nei. Tunisia tan pawh tlang tur chuan an chak ngei ngei a ngai. Denmark leh Australia i tum tur hi a pawimawh khawp ang.
5. Group E hi dinhmun la chiang lo vek an ni. Spain hi win leh draw hmanga lut thei an ni a. An chak lo a nih chuan tlang turin an elpui Costa Rica an chak loh ve tho a ngai dawn. Gd an neih that avangin an tan Germany an hlauhawm tham lo. Japan hi draw hmanga lut tur chuan lehlam result ngaihchan a ngai ang. Germany hi tlang tur chuan an chak ngei ngei a ngai a. Chutah pawh lehlam inkhel result ngaihchan a, Span in Japan an hneh ngei ngei a la ngai cheu dawn. Spain leh Japan an inhnehtawk a nih chuan gd, a hnuah gf nei tha zawk zawk an tlang ang. Costa Rica hi gd an neih chhiat avangin an chak ngei ngei a ngai a tih theih a. An draw a nih chuan tlang turin Spain in Japan an hneh ngei ngei a ngai dawn.
6. Group F ah hian Canda an tla tawh a. A bak zawng hi an la nung vek. Hmahruaitu Croatia tan tlang turin draw a tawk a. An chak loh pawhin Belgium an chak bik loh chuan an lut thei dawn tho. Belgium hi an chak chuan an chiang bawk a. An chak loh chuan an tla ang. An draw a nih chuan tlang turin Canada in Morocco an hneh ngei ngei a ngai thung. Morocco hi chak chuan lut chiang an ni a. An draw a nih erawh chuan Croatia in Belgium an inhneh tir loh ngei ngei a ngai thung dawn. Chutiang teh nuaih chu a la ni.
7. Group G ah hian Brazil hi an chiang tawh a. Switerzerland hi an chak chuan an lut ang a, an chak loh chuan an tla thung ang. An draw a nih chuan Cameroon an chak loh ve a ngai dawn thung. Cameroon hi lut tur chuan an chak ngei ngei a ngai. Serbia pawh hi lut tur chuan an chak ngei ngei a ngai dawn bawk. Chutah pawh Cameroon result ngaihchan a ngai dawn a. Cameroon in Brazil an hneh khut chuan an tla tho ang.
8. Group H ah hian Portugal an lut chiang tawh a, a bak zawngin beiseina an la nei vek. Ghana hi an chak chuan an lut chiang ang a, an draw a nih pawhinn South Korea in Portugal si khat aia tama an sawp te nih loh chuan an lut tho ang. South Korea leh Uruguay tan lut turin chak ngei ngei a ngai a. An chak ve ve a nih pawhin an tumpuite si phurh tir tam tu zawk zawk an lut ang. Korea hian gd leh gf an neih that zawk avangin beiseiawm zawk an ni. An chak lo emaw an tumpuite an draw ve ve a nih chuan puanthuah an tel nghal vang vang a ngai dawn.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: