GOLD MEDALIST | MZU MA Education Gold Medalist 2022 Remremi Hrahsel

MZU MA Education Gold Medalist 2022 Remremi Hrahsel kan belchiang.

 

MZU MA Education Gold Medalist 2022 Janet Lalremsangi Hrahsel hi Janet / Remremi koh thin niin,  H. Lalngurkhuma leh Lalthlanmawii te fanu niin, unau pathum zinga naupang ber a ni a, 25th May, 1997 khan a piang. 

Remremi Hrahsel  te hi Mission Veng, Aizawl-ah chengin, Presbyterian kohhranah an lawi.
Remremi Hrahsel hi 2020 khan B.A Education topper a lo ni tawh bawk a ni.


Remremi Hrahsel-in Explore Mizoram zawhna a chhannate:
📌 Zirna lam:
Pawl 10 hi Synod Higher Secondary School atangin 2013 khan ka pass a, Pawl 12 Home Missions School atangin 2016 khan ka pass leh a.  BA hi Pachhunga University College-atangin 2020 khan ka graduate a, Mizoram University-ah M.A zir chhunzawmin kum-ah ka zo a ni.


📌 I lehkha zir dan?
~ Ka lehkha zir dan hi a inthlak ve zel a. MA-ah hi chuan in lamah awm mai mai paha kan topic thenkhat han google a chhiar mai mai hi ka ti thin a, a hnuah a points pawimawh ka tih lai ang te ka ziak thla a, lehkhabu leh google hmangin notes ka siam pahin ka zir pah mai thin. 


📌 Harsatna I hmachhawn dan?
~ Tawrh fan fan leh a siamthat dan ngaihtuah. 


📌 Gold medalist i nihna (Subject) leh CGPA?
~ M. A(Education), 8.091


📌 Gold medalist ni tura i beih dan?
Gold medalist nih hrim hrim hi ka tum hranpa em em lova. Mahse lehkha zir ang rup rup ni lem lova kan zirlai topic han chhiar hriat hrim hrim ka ching a, hei hian nasa takin ka hriatna a tizau a ni. 


📌 Gold medalist ni tura i beihnaah faculty lamin an ṭawiawm/pui ṭha chein i hria em?
~  Mamawhna kan nei a nih phawt chuan kan faculty hian zirlaite hrim hrim hi min welcome em em a, biak an nuamin pan man an awm thin hle. 


📌 I zirna atana i chhungte pawimawhna:
~ Min support tha em em hi a ni tawp mai. Ka zirna atana tangkai tur thil a nih chuan min tihsak hreh engmah an nei lo. 


📌 I zirna atana i ṭhiante pawimawhna:
~ Mahni ka inrintawk loh lai pawhin ka thiante hian min ringtawk em em thin a, heihian mahni inrintawkna min siam sak leh thin.



📌 I duhzawng leh ngainat zawngte:
• Lehkhabu duh - The Power of Subconscious Mind- Dr. Joseph Murphy
• Rawng - Pink
• Chawhmeh  - Bawng sa, artui, nutrella, bai
• Incheina - Ka mood a zir a nimai. 
• Rimawi – Ka ngaithla kual nasa khawp mai. 
• Mizo Ziaktu zingah - Zikpuii Pa leh Pu Mafaa Hauhnar


📌 Mize ngainat zawng:
Inngaitlawm, fiamthu duh leh rilru tluang tak. 


📌 Mize ngai nat loh zawng:
~  Mi chapo. 


📌 Hobby:
~ Lem ziah, zai leh hmun thawveng deuha awm mai mai. 


📌 Relationship status: - ___________


📌 Kawppui atan duhzawng - Mipa dik tak anga nung😂


Zawhna dang:::
1. A tel lova i awm theih loh:
~ Tui


2. I nun kaihruaitu:
Pathian leh Ka nu leh pate. 


3. Hringnuna i hlauh ber: 
Nuamsa taka ka nu leh pate chawm let hman loh. 


4. I tih ngai miah loh tur:
Min ring em emtu bum. 


5. Mizo Tualzal nuna ṭha i tih:
 Tlawmngaihna, Aia upa special treatment kan pek thiam thinnate. 


6.  Quote i duh ber:
~ 'Your mind has to be stronger than your feelings.'


7. Mizoram leh Mizo tualzal nuna Mizo hmeichhiate dinhmun:
Mizo hmeichhiate hi kan dinhmunin hma a sawn chho zelin ka hria a, society pawhin hmeichhiate a zah thiam chho zel a, a lawmawm hle. Zirna leh hlawhtlinna thil reng rengah pawh hmeichhiate hming hi a tam zawk hmuh tur a awm zel a, hemi atang pawh hian Mizo hmeichhiaten hma kan sawn tawh zia leh kan dinhmun a san ve tawhzia a hril a ni. 


8. Hnam hmingṭhat leh hmingchhiat kawngah Hmeichhiate'n mawhphurhna:
Hmeichhiate chu khawvel dan hrim hrimah mi mitfukna tam zawk kan ni thin, hmingthat leh mualpho kawngah pawh kan hming a langsar hma em em a mipate ngaihtuahin.. Hemi avang tak hian hmun danga kan awm a ni emaw, hnam dang hmuh theiha kan awmin kan nungchangte kan uluk a, nelawm tak sia zahawm taka kan awm hi a pawimawh em em a ni.


9. Mizote tan 'Fa neih tlem' inzirtir hi a ṭulin i hria em?
~ Fa neih tlem ngawr ngawr inzirtir hi kan la mamawh lutuk chuan ka hre lo, kan hnam a la lian lo bawk a. Amaherawhchu, chawm zawh tur chauh neih chungchang zawk hi inzirtir a tulin ka hria. 


10. Mizo hnam ṭhanmawh bawk nia i hriat?
Hma thlir kan nei thui tawk lo thin leh Social media-a eng thil mai pawh kan sel peih lutuk hi.


11. Zirna, Khawtlang leh Kohhran hi?
~ Time management thiam chuan a tihho theih vek. 


12. Khawtlang, Kohhran leh nangmah:
Mahni phak tawk teteah theih ang anga inhman ve zel hi ka tum thin. 


13. Social Media leh Nangmah:
Social Media hi chu zep thu cheng lovin hman nuam keipawh hian ka ti a, zirna atan a lo tangkai lehzel bawk nen. A bik takin Youtube hi ka khawih nasa a, amaherawhchu, ka khawih nasa lutuk deuha ka inhriat chuan engemaw chhung chu ka uninstall thin. 


14. Mizoram ṭhalai tam tak tlakchham:
Tumruhna tak tak. 


15. Ngaihsan tur dik nia i hriat:
Kan nuna kawng khat tal pawh a tha lama hma min sawntirtu chu ngaihsan tur dik an ni deuh mai. 


16. Hlawhtlinna tura pawimawh:
1) Taihmak 2) Tih hram hram 3) Tum mumal neih 4) Self-Discipline.


17. hloh i hlauh ber:
~  Ka tana mi pawimawhte. 


18. Hnam dang nupui pasal neih hi:
~ Mahni nihna, kan seilenna, kan thanlenna hmunah kan chian reng chhung chu ka mimal ngaihdanah chuan an inhmangaih phawt chuan a tha a ni mai ka ti. 


19. Nupui pasal inneih hmaa mipat hmeichhiatna hman hi? 
~  Kristian inti tan chuan Pathianin a phal loh thil chu kan hre theuh awm e. Chumi piah lam chu mimal duhthlanna tiin sawi zui vak dan ka hre lo. 😁


20. Hlawhtlinna hi?
~ Hlawhtlinna hi Mihringin kan damchhunga neih kan tum deuh ngei ngei a ni a. A hluin a rahchhuah a mawi thin. Bei hram hram peih apiang tan hlawhtlinna chu mitin ban phakah a awm reng a ni.


I thalaipuite tan fuihna--- 
~ Engkimah hian, tun aia nasa hian chhel I zir zel ang u, no lutuk loh tur tih te mai hi ka fuihna thu han ni rawh se. 



EXPLOREMIZORAM.COM i hmuh dan:
~ Mizote tan platform tha tak a niin ka hria.. Thalaite a bikin hlawhtlinna kawng hrang hranga an neihte chhawpchhuah saktu leh news hrang hrang kan hriat belh thinna a nih avangin a tangkai ka ti hle.






(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post