Aizawl | October 22, 2022: October ni 17 - 21 chhunga neih XX Mizoram Police Sports Meet 2022 chu nimin khan Rajiv Gandhi Stadium, Mualpui-ah Khuallian Home Minister Pu Lalchamliana'n a khar. Police Sports Meet kharna inkhawmah hian Organising Committee Chief Patron Pu Davesh Chandra Srivastva, DGP, Patron Pu John Neihlaia, IGP(Headquarters), Chairman Pu Lalbiakthanga Khiangte, DIGP (Headquarters) leh midangte an tel a ni.
Mizoram Police Sports Meet-a medal late hnenah lawmman a hlan zawh hnuah Khuallian Pu Lalchamliana chuan thu sawi zuiin Mizoram police ten Sports Meet tluang taka an neih chu a lawmpui thu a sawi a. Mizoram police te inpekna leh thawhho that avangin mipuite rin an hlawh em em a, kawng engkimah Mizote tan kaihruaitu leh entawntlak ni turin mahni inthunun leh taimakna ngai pawimawh zel turin a chah a. Tunkum kum tir khan Mizoram Police kum 50-na denchhenin Mizoram Police te chu infiamna ngawr ngawr piah lamah midangte tana malsawmna nih tum zel turin a fuih bawk a ni. Mizoram police sports thei zual bik te chu sawrkar pawhin a remchan dan ang zelin duhsakna reward te promotion te ap pe tawh thin a ni a ti a. Mizoram Police Recruitment hi covid avangin tih theih a nih hrihloh tur thu sawiin tumdan ang a tih theih a ni hrihloh chu hrehawm a tih thu a tarlang bawk a. Minister chuan Sports Meet hian kan rilru ah a aia sang zel duhna min pe se Mizoram maia duh tawklo in national leh international level ah thleng lawmman la tura tan la turin a ngen a ni. Sports Meet intihsiaknaa tel leh Mizoram hmun tina police awm zawng zawngte duhsakna hlanin Home Minister chuan Mizoram Police Sports Meet 2022 hi a khar a ni.
DGP Davesh Chandra Srivastva chuan lawmthu sawiin, XX Mizoram Police Sports Meet 2022 a tel zawng zawngte chu chhuanawm a ti a, Sports Meet hlawhtlin nana ngaihtuahna sengtu zawng zawng hnenah lawmthu sawiin Sports Discipline hrang hranga tel te chu taksa hriselna kawnga tang sauh sauh zel turin a chah a ni.
Mizoram Police Sports Meet hi kum 1987 atang khan neih tan a ni a. Kumin Police Sports Meet 2020 ah hian Police Unit hrang hrang atangin Contingent 11 an tel a, an zavaiin participants 1114 niin infiamna chi hrang hrang 84-ah an intihsiak a ni. A vaia medal sem zat hi 266 a ni.
Central Range te chu Gold-16, Silver-9 leh Bronze-14 lain Over-all Champion an ni a, 2nd Runners-Up PHQ Group te chuan Gold 15, Silver-17 leh Bronze 16 an la thung.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: