Aizawl | Oct 22, 2022: Nimin tlai khan College of Veterinary Sciences & Animal Husbandry, Central Agricultural University Selesih, Aizawl, Mizoram chuan an College Auditorium-ah '21st Annual College Week 2022-2023' kharna hun an hmang a, Higher & Technical Education Minister Dr R. Lalthangliana'n khuallian niin a hmanpui a ni.
Annual College Week kharna inkhawmah hian khuallian Dr R. Lalthangliana chuan, College zirlai zingah India hmarchhak State hrang hrang atanga lokalte hi tawng hrang hrang hmang, sakhaw hrang hrang bia, culture hran theuh nei kan ni a, inunauna leh inpumkhatna tha neiin, taimakna leh tumruhna, thianghlimna leh dikna nen India rama college ti tha ber in ni thei reng tih hria u la, North East tan mai ni lo, India ram tan chhawr nah-awmin awm ang che u, a ti.
Khuallian chuan Mizoram chu India rama State ralmuang ber a nih thu te, Mizoram chu Kerala dawta literacy rate sanna ber a nih thute a sawi a, pakhatna ni turin tan kan lak zel a pawimawh a ni, a ti. Kum 2020 kum tir lam atang khan Covid-19 hripuiin khawvel, India leh Mizoram thlengin nasa takin min nuai a, khawvelah mi nuai 65 chuangin covid vangin nunna an chan tawh a, a pawi takzet a ni a ti a. Covid-in Mizoram min nuai tirh khan ZMC-ah RT-PCR khawl kan la nei hman rih si lo a, kan buai em em laiin helai Vety College hmuna khawlte hi kan hmang tangkai em em a, khangte kha lawmawm ka tiin kan la theihnghilh reng reng lo a ni, a ti.
Dr R. Lalthangliana chuan kalkhawmte chu hriselna lama invawng thianghlim turin a chah a, Mihring hi kan hrisel loh chuan sum leh pai ngahin awmzia a nei lova. World Bank-te dawra Japan ram ka kal khan, an damreina chhan ber ka zawt a, exercise lak hi vitamin tha tak a ni tih min hrilh a, ke in an kal tam a, two wheeler leh Motor-te chu tha tak tak nei mahse, an office leh an hna kalna km 4/5 vel pawh ke in an kal lui zel a, tui hi nikhatah litre 3/4 aia tlemlo an inziah bawk a, chi-al hi an ei tlem hle a ni a ti a. Amah ngei pawh zing tin darkar khat chhungin km 5 vel a kal ziah tih sawiin zirlaite chu sports activity ngai pawimawh a, physical health ngai pawimawh em em turin a fuih a ni. Japan (JICA)-te nen tangrualin Aizawl, Zemabawk tlangah India ram pum pawha chhuanawm tak ni tur, North East-ah chuan a tha ber tura ngaih cheng vbc 700 hmangin Cancer Super Speciallity Hospital an din mek chu kum 2028-ah chuan an zawh fel hman tur thu a sawi bawk.
Dr R. Lalthangliana hian he college-a New Academic Block chu tlawhin Veterinary Pathalogy, Veterinary Public Health & Epidemilogy, Veterinary Microbiology, Transboundary Animal Disease Laboratory room hrang hrangte fang kualin a en a. Outdoor leh Indoor games-a tel leh ti thate hnenah certificate leh lawmman hrang hrang a sem nghal bawk a ni.
Kalkhawmte lawmna thu chu Dr.Lalnuntluangi Hmar, College Dean chuan a sawi a, hun chep tak karah an sawmna ngai pawimawh a, H & TE Minister zahawm takin a hun hlu tak a hmang chu lawmawm a tih thu a sawi a. He college hi Feb. 20th,1995 khan din a ni a, B.V.Sc & A.H.Degree course chu 1997 khan batch hmasa ber zir theih a ni a, 1998 atang khan class an tan a. Tunah hian BVSc & AH, MVSc leh PHd zirnate a awm mek a. Assam tih loh North East State hrang hrang atangin zirlaiten zir nan an rawn hmang bawk a. He ta 20% seat hi PG leh PHd zir turin All India level a ni tawp a ni. Residential College-ah hian Doctor zirlai 440 awmin faculty 53 an awm mek a, non-teaching staffs engemaw zat an awm bawk. Seat hnih hi Kashmiri migrant tan tih a mek a ni, a ti bawk. Prof. Shyam Singh, SWO chuan lawmthu sawiin hun a khar.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: