Dikteii Hnamte lehkhabu 'Par Har'

Aizawl | Oct 31, 2022: Tun thla chawhma lam October ni 10 khan Dikteii Hnamte lehkhabu ziak 'Par Har' (Eng ang hniak nge kan hnutchhiah dawn le? tih chu mipui lei leh chhiar theih turin Synod Conference Centre, Aizawl-ah tlangzarh a ni.


He 'Par Har' (Eng ang hniak nge kan hnutchhiah dawn le? hi lehkhabu tha, chhiar nuam si, finna chhar tur tam si hi mi zawng zawng chhiar atana tha, thu un pui pui awm si lova thu ril tak inphumna lehkhabu a ni!

A ziaktu Prof Lalbiakdiki Hnamte (Dikteii Hnamte) hi MZU-ah CDC leh Admission director ni lai mek a ni a. Mi thiam leh tawnhriat ngah a ni a, thil thlir thiam tak a ni. A lehkhabu atang reng hian, thil hi thlirna tukverh pakhat atang chauhin a thlir ngai lo tih a hriat theih.


He lehkhabu a thuziak awm pakhat, a lehkhabu hming chawitu 'Eng ang hniak nge kan hnutchhiah dawn le?' a a tawp lam hi han thailang lawk ila,

". . . naupang, thil hrethiam rual an nih chhoh laia kan hniak hnutchhiah hian an nunah thu a sawi rin bik em avangin upa zawk te hian kan kephah hi fai taka silin hniak felfai tak kalsan turin tang sauh sauh ila."
a tih leh 

"Tuna naupangte hi nakina kan ram hruaitu an la nih dawn avangin rilru puthmang dik tak neia an lo puitlin chhoh theih nan tuna puitling ni mek te hi mawhphurtu kan ni si a." a tih te hian hringnun a hmuh fiah leh hmun chian bik zia a tilang awm a sin!


Cheng 300 man lek 'Par Har' ah hian thuziak tha tak tak a awm a, lehkhabu dawr hrang hrangah lei theihin a awm e. 





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post