Mizoram Kuhva Assam-a hralh tur Assam Police-in an dan vangin Mizoram lamah letpui leh

# An harsatna sukiang tura sawrkar kar nan Hachhek biala sorkar pisa kai tur dan tum!

Aizawl | Oct 31, 2022: Hachhek biala Kuhva chingtu ten an Kuhva thar trip khat chu nimin khan Assam lama hralh turin kalpui mahse, Assam chin an luh hnuah Assam Police ten an lo dan avangin an Kuhva hralh tumna Asimganj khua thleng lovin an let leh niin The Zozsam Times chuan a tarlang.

Hachhek biala Kuhva chingtu pawl hruaitu ten an sawi danin, an Kuhva thar trip khat chu Assam lama hralh tumin nimin khan an kalpui a, Assam-a Nagra Police out post check gate-ah Assam Police ten an lo dang a. An Kuhva phurh chu Hachhek biala thar ngei a ni tih ringhlel lo mahse, Mizoram atanga Assam-a Kuhva phurluh remtihna thupek an la dawn loh avangin an kaltlang tir thei lo tih an lo hrilh.

Assam Police te chuan Mizoram leh Tripura Kuhva te chu Karimganj district chhungah lakluh phal a nih loh avangin an kaltlang tir thei lo tih an lo hrilh niin Hachhek biala Kuhva chingtute chuan an sawi a. Nikum lama Mamit Bawrhsap leh Karimganj Bawrhsap inbiakremna anga Kuhva phurh chungchanga inkaihhruaina siam leh a nih chuan an ni lam chuan eng harsatnamah an siam loh tur thu Assam Police te chuan an lo hrilh niin an sawi bawk.

Hachhek biala Kuhva chingtute chuan an Kuhva thar te Assam lama an hralh theihna tur chungchanga Mamit Bawrhsapin Karimganj Bawrhsal hnena lehkha a thawn tawh chu tun thlengin chhan a la ni lo niin an sawi a. Hachhek bialin tuna kan Kuhva hralh kawnga an harsatna ber nia lang ta chu Karimganj Bawrhsapin Mizorama Kuhva thar te Assam lama phurhluh dan tur chungchanga inkaihhruaina a la siam loh vang nia an hriat thu an sawi bawk.

Hachhek bial Kuhva chingtu, VC leh NGO aiawh țhukhawmin Kuhva hralh kawnga an harsatna sukiang tura sorkar kar nan Nov 1-4, 2022 ah Hachhek biala sorkar pisa kai tur dan an tum a, he thil hian awmzia a neih loh chuan ni 4-8 ah state ramri danpin an tum a, Nov ni 9 atangin tiamchin awm lo total bandh neih an tum, niin The Zozam Times chuan a tarlang bawk.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)