Ticker

10/recent/ticker-posts

SCHOOL EDUCATION MINISTER-IN CHIN KUMTHAR KUT USA-AH A HMANPUI

Aizawl | Sept 5, 2022: Ni 3.9.2022 (Inrinni) khan School Education Minister Pu Lalchhandama Ralte chuan Chin Kumthar Kut, Charlotte, North Carolina, USA-ah a hmanpui.


Chin New Year Festival USA a hmannaah Minister chuan thusawiin Zo hnahthlak hmun hrang hranga awmte chu unau vek kan ni a, Myanmar-in harsatna a tawh chu Mizo mipuite harsatna pawh a ni nghal a ni a ti a. Myanmar-in remna leh muanna a neih theih nan Chief Minister-in nasa takin a bei a, Myanmar sipai hotute leh hnam sipai hotute a dawr a, India sorkar hotute pawh dawrin hma a la a ni a ti.

Myanmar ațanga raltlan Mizorama lutte chu Mizo mipui, Kohhran, tlawmngai pawl leh Sorkarin theih tawp chhuahin tuamhlawm hna an thawk a, chenna leh silhfen te pein naupang zirlaite pawh sangruk chuang chu lehkha zirtir an ni a, heng zirlaite hi zirlaibu leh uniform te pek an ni a ti bawk.

Minister chuan țanrual hi chakna a ni tih sawiin chibil angin tumah a din chhuah theih lova, khawiah pawh awm ila, kan țanrual chuan hmelma pawh kan hneh ang a ti a. Chhulkhat kual kan nih anga, țanrualna thinlung pu tlat tur leh ram leh hnam din chhuah nan Pathian auva țangrual turin a chah.

Chin Kumthar Kutah hian zai leh lam bakah hnamzia rang hmanga incheina te entir a ni bawk.







Post i hmuh dan

Post a Comment

0 Comments