Ticker

10/recent/ticker-posts

Kolasib district chhungah dan lova kuhva rah phur luh leh paltlang khap!

Aizawl | Sept 5, 2022: Kolasib bawrhsap chuan vawiin khan, "“Kolasib District huamchhung khawi hmun-ah mah dan ang ni lovin Kuhva rah tumahin an phur lut tur a ni lova, a paltlang nan an hmang tur a ni hek lo.” tiin thupek a chhuah.




Sawrkar thuchhuahin a tarlan danin, Tunlaiin dan phal lohva ram pawn atanga Kuhva lakluh a awm thin tih hriat a ni a. Ministry of Home Affairs, Govt. of India lehkha No.1/32/2019-BM-II Dt.13.11.2019 leh Home Department, Govt. of Mizoram lehkha No. D.32021/9/2019-HM Dt. 2.12.2019 pawhin heng dan lova Kuhva rah lakluh khap a tul thu a tarlang tawh a ni. Kolasib District huamchhungah pawh heng dan kalh a hmalakna awm thei lak ata inven a khap a tul a.

Chuvangin, District Magistrate, Kolasib District, Kolasib chuan Section 144 CrPC in thuneihna a pek angin hetíang hian thupek a chhuah.

“Kolasib District huamchhung khawi hmun-ah mah dan ang ni lovin Kuhva rah tumahin an phur lut tur a ni lova, a paltlang nan an hmang tur a ni hek lo.”

He thupek hian chhuah anih atang a ni 60 chhung a huam anga, dan bawhchhia an awm chuan Section 188 1PC hmangin hrem an ní ang.

He thupek hi vawiin ni 5 September, 2022 hian Court Seal nen nemnghetin hming a ziak hnan a ni.
Post i hmuh dan

Post a Comment

0 Comments