MZP Assembly 2022 Darzo-ah nghat dawn!

Aizawl | Sept 13, 2022: Mizo Zirlai Pawl (MZP) rorelna sang ber 'Assembly' chu Darzo khua, Hnahthial district ah nghah a ni dawn.

MZP Assembly hi October 25 - 27 chhunga neih tura rel a ni.

MZP General Headquarters, Aizawl chuan vawiin September 13, 2022 chhun dar 12 khan MZP Conference Hall-ah Executive Committee Meeting vawi 613-na a nei a, meeting hi MZP General Headquarters President Pu Lalnunmawia Pautu-in a kaihruai a, MZP Assembly neih hun leh hmun tur bakah MZP Federal council sitting agenda turte an thlifim.

MZP meeting chuan, MZP inkhawmpui Assembly chu October 25 -27 chhung hian Darzo, Hnahthial district-a neih turin a rel.

Meeting chuan, MZP Federal Council sitting September 16-a neih tura agenda atan heng a hnuaia mite hi a pawm:-

1. Mizoram sawrkar enkawl zirna in hrang hrang fee kalphung hi ennnawn a, a tam thei ang ber zirnain hmasawn theihna atan hman a nih theih nan MZP in hma la rawh se

2. Mizoram chhunga NHIDCL hnuaia kawng laih hna thawh mekte hi, a nih dan tur dik taka thawh a nih theih nan enfiaha hmalak ni rawh se.

3. Post Matric Scholarship-a Mizoram sawrkar tum ve tur State Matching Share (SMS) hi a hun taka pekchhuah a nih theih nan hmalak ni rawh se.

4. Mizoram sawrkar hnuaia hna lakah Mizo tawng Middle School standard tih hi exam a nih ngei theih nan hmalak ni rawh se.

5. Mizoram chhunga Insuarance company ten insuarance diltute hnenah harsatna an siam fo hi chinfel a ih theih nan hmalak ni rawh se.

6. Mizoram sawrkar hnuaia College hrang hrang te’n Bus an mamawh hi sawrkarin a tul anga a ngaihtuahsak theih nan hmalak ni rawh se.

7. RUSA kaltlanga college hrang hrang sak that/ thawmthat hi a hun taka zawh a nih theih nan hmalak ni rawh se.