KRISTA ANG TURA SIAM I NI

 Kohna mila nun: Engvangin nge khawvelah hian ka lo pian ve?

— Rick Warren

— 14 Sept, 2022

“A hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan" Rom 8:29 

Mihring piang tawhah chuan Isua chiah kha mi famkim a ni. Ani chu Pathian mihring anga piang niin nundan famkimin a nung a ni. Isuan mihring nihna famkim chu a rawn lantir a ni.  

Chuvangin Pathianin Isua anga thil ngaihtuaha, che chhuak tur leh a ngaihsan ang ngaihsan zir turin a duh che a ni. Pathianin Isua anga ṭhang lian tur leh amah ang zel turin a duh che a ni.

He khawvelah hian i thil tih duh tur zawngin i hun i hmang mai thei. Mahse Pathian chuan i thil tih ṭhin aiin tunge i nih tih a ngaihtuah zawk a ni. I eizawnna te hi vanramah i luhpui dawn lo. I nihna chauh kha a ni i luhpui tur chu.

Bible chuan, “A hriat lawkate chu ama Fapa ang taka awm turin a ruat lawk si a, a Fapa chu unau tam takte zinga fa tir a lo nih theih nan” a ti. Romans 8:29.  

Isua i an theihna tur hi Pathian thil ruahman a ni fo ṭhin. Adama suala a tluk hma pawha a thil ruahman a ni tawh a ni.

Thlarau rah te hi Isua nihna leh a chet dan tarlanna famkim chu a ni: “Thlarau rah erawh chu hmangaihna te, hlimna te, remna te, dawhtheihna te, ngilneihna te, ṭhatna te, rinawmna te, thuhnuairawlhna te, insumtheihna te a ni zawk e.” (Galatia 5:22-23).

Pathianin thlarau rah chu nangmahah engtin nge a dah ve le? Thlarau rah nena inmil lohna hmunah Pathianin a hung che a. Mi fel takte chu hmangaih an awl a; Pathian chuan hmangaih thla la lo tak takte bulah hmangaih i zir theih nan a dah ang che, chuvang chuan hmangaih i zir a ngai a ni. Lusun laiin, hlim i zir ang a. Fiaha i awm laiin dawh theih i zir bawk ang.

Pathianin i nungchang siam a duh a. Khawl ang maia rang leh chak taka neih thuai i tum mai thei e. Khawl chuan i duhzawng chu rang takin a siamsak thei che a, mahse chung a tam zawk chu i nakin hnua i taksa tana ṭha lo an ni ṭhin. Pathian hnathawh dan chu khawl hnathawh dan nena in perhsan hlauh a ni. A muang a, a chang phei chuan a harsa ṭhin hle, mahse a reina chuan nangmaha nungchang ṭha tak a siam ṭhin a ni.

Thlarau lam ṭhanna chuan hun a duh rei a. Dawhthei ang che.

Bible chuan, “Nangmahnia thil ṭha ti tantu khan Isua Krista ni thlengin a tifamkim zel dawn, chu ngei chu ka ring tlat si a” a ti. (Philippi 1:6).

Chu thutiam chu nghak rawh le!

Ngaihtuah zui atan

* Eng ang nungchang ber hi nge Pathianin siam sak che se la i tih? (Thlarau rah te kha han enlet leh lawk la Galatia 5:22-23.)

* Engtin nge Pathianin i nungchang ṭhanna turin harsatna hrang hrang a hman (entirnan, hmangaih thla la lo tak chuan a hmangaih zualtir che a ni)?

* Pathianin thlarau lamah i ṭhan theih nan tha a thlah dawn lo a ni tih i hriat hian a thlamuan thlakin i hria em?

*Pathian thutiam ngaihdamna avang chuan amah i ring thei ang!*

Pathian thutiamah chuan Isua ringtute tan chuan thiamloh channa reng a awm lo a ti. Sualna laka chhandam i nih theih nan Isua a rawn tir a. Krawsa Isua thihna avang chuan i sual zawng zawng a ngaidam vek a ni. I sualna avanga a inhlanna avang chuan a felna i hmuin, Pa Pathian nen inlaichinna in neih theih phah ta a ni.

Chu chanchin ṭha chu chutah chuan a tawp lo. Pathianin Isua chu thihna hnehin a kai tho va. Chuvang chuan amah nen chatuanin vanramah in lengdun thei dawn a ni.

Isua hnenah i nun i hlan thei a nih chuan, he ṭawngṭaina mawlte hmang hian ṭawngṭai rawh: “Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che. Isua hmingin ka dil a che. Amen”

Isua vuan tura i ṭawngṭai thei a nih chuan, khawngaihin min lo email dawn nia Rick@PastorRick.com. Isua nena zinkawng i zawh theihna tura i mamawh te a thlawnin ka pe dawn che a ni.

*[Lettu: Sangpuia]*