Ticker

10/recent/ticker-posts

India Super Bantam Weight No. 1 Zotea Fanai in zaninah Pro Fight khel dawn

Aizawl | Sept 13, 2022: India Super Bantam Weight number one F. Zoramchhana'n zanin hian Tata Yodha 4x4 LPS Pro Fight round of 16 a khel dawn a, a hmuna en tur tan ticket lei a ngai tawh dawn a ni.


R. Dengthuama Indoor Stadium, Mualpuiah August 31 khan Pro Fight tan a ni a, ticket awm lovin a duh apiang en theihin zan 10 chhung inhnek huaihawt a ni a, nizan chawlh niin zanin Thawhlehni zanah chhunzawm a ni ang. a hmuna en tur tan cheng sawmngain ticket lei a ngai tawh dawn a ni.

Zaninah Cherhlun chhuarvawr Zotea, a inlan dawn a, Dinthar rawlthar Lalrohlua nen bantam weight quarterfinal luh an inchuh ang. Zotea hian November-ah Asian title chuh turin Thailand lama fehchhuak turin a inbuatsaih mek bawk. Pro Fight title a la anih chuan khawvel puma professional boxing chhinchhiahna boxrec-ah chak record vawi hnih a neih belh dawn a ni.


- MSR
Post i hmuh dan

Post a Comment

0 Comments