Ticker

10/recent/ticker-posts

Mizo film thar tur 'RAMRI' shoot zo ta!

Aizawl | Sept 25, 2022: Vairengte atangin film thar a rawn chhuak leh dawn a, ramri-a awm tih takah a film hming pawh 'RAMRI' a ni!

'RAMRI' film hi Sept 23 khan shooting an zova, khawih tur tam tak la awm mahse, October thla tawp lam hi chuan a chhuuah hman beisei a nih thu EXPLOREMIZORAM.COM chuan a dawng.


He film hi 'Comrade' film siamtute kutchhawk tho a ni dawn a, Director & Script Writer hi Lalnuntluanga Hrahsel (Nuna Hrahsel) niin, Director of Photography hi C. Lallinsiama (Osiama Pictures) a ni thung.



He film 'Ramri' tihchhuah hun tur tak hi hriatchian la ni lo mahse, October thla tawp lam emaw a nih rin a ni!

'RAMRI' film-ah hian Mizo Film Award 2021 - Best Actor dawngtu Papuia Pachuau a inlan dawn a, ani bakah hian Tiktoker hriat hlawh Pepei Hnamte a inlan dawn bawk.

He filma inlan tur zingah hian Papuia Pachuau, Pepei Hnamte leh Zothansanga Hrahsel te hi Aizawl niin, anni tih loh hi chu Vairengte khua vek an ni.


Inlan tur zingah hian Gilbert Zohmachhuana (Gilbert Colney), VL Huma, C Lalnunziri, Felina Khawlhring, Solomon Laltluangkima Fanai, Lalmuanpuia, PC. Lalmuansanga, Om Bahadur, Kenneth Mawidinkima, Lallawmzuali, Kimkimi Chongthu leh Chalrokhuma te an tel a ni.


He film siamna atan hian cheng nuai 2 ruahman a nih thu EXPLOREMIZORAM.COM chuan a dawng.


EXPLOREMIZORAM.COM thu dawn danin, 'RAMRI' shooting hi Vairengte khawpui-ah Sept 1 atang khan tanin, Sept 23 khan an zova, "chhûn leh zân chawl lo in, tlaivar pawp chang kan nei bawk," tiin he filma chang ve Chalrokhuma chuan EXPLOREMIZORAM.COM  a hrilh.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

1 Comments

  1. Kan hmalâkna te duhsak taka min lo puanzarsak avangin kan lawm e.

    ReplyDelete

He post chungchanga i ngaihdan lo sawi ve rawh: