Ticker

10/recent/ticker-posts

PZP-in zirlai thar lawmna leh zirlai hlawhtlingte chawimawina hun hmang

Aizawl | Sept 25, 2022: Pang Zirlai Pawl (PZP) Joint Headquarters Aizawl chuan, nimin chhun khan Aizawl Central Hall, Venghlui-ah Zirlai thar lawmna leh zirlai hlawhtlingte chawimawina hun an hmang a, Serchhip Bialtu MLA Lalduhoma chuan khuallian niin a hmanpui.


He hun hi PZP Vice President Hlimthangmawia'n kairhhuaii, Secretary Victor Ramthanmawia hnen aṭangin Report & Introduction ngaihthlâk a ni.

Khuallian Serchhip bialtu MLA Lalduhoma chuan thu sawiin,  “Pang hnamte hi Mizoram luah hmasa pawl zinga mi niin an lang a, kan pi leh pute hunlaia an ṭawng hmanah te, an thu leh hla, tun hnua ‘Ṭawng Upa’ kan tihah te hian ‘Pang’ ṭawng te pawh a tel a, hei hian hmanlai chuan kan pi leh pute nen pawh lo khawsaho a, chengho ṭhin an ni tih a tichiang hle a ni.


 Zohnahthlak hnam hrang hrangte hi a inṭhendarh zawnga kan awm chuan tih tham lohah kan chhuak dawn a. Kan vai hian unau vek kan ni a, midang nen khawsakhona kawngah a inla hrang zawng ni lovin inpumkhat zawnga kan kal a ngai a, kan hnam hi ropui taka a dinchhuah theihnan theihtawp kan chhuah a ṭul a ni. Zohnahthlak hnam hrang hrangte nunphung, incheina leh thu leh hlate hi kan hnam a chawimawi a, a ti ropui a, a ti hausa a ni,” a ti a, Pang hnam hi Bawm leh Tlanglau te nen inhnai tak niin, in enhrang lo turin a chah bawk a ni.
 
Lalduhoma chuan, Pang zirlaite chu theihtawpa zirna kawnga ṭan la a, eirukna dopuiah sawmin, “Zirna hi ram leh hnam thanlen zelna kawngah a pawimawh em em a, zirna kawngah theihtawp chhuah ula, kawng hrang hranga hlawhtlinna in chan ngei theih nan duhsakna ka hlan che u a ni. Eirukna (Corruption) hi kan ram leh hnam hmelma, min tichhetu a ni a, vawiina zirlai lo pungkhawm zawng zawngte eirukna dopui atan ka sawm che u a ni,” a ti bawk.


Khualzahawm Joint Electricity Regulatory Commission, Manipur & Mizoram (JERC) secretary Richard Zothankima chuan thu sawiin, Pang hnam zahpui lo turiin PZP Members te a chah a,  zirna lamah tun aia nasa zawk a kan ṭhan harh a ṭul zia te,  Pang hnam hi kan zahpui loh chuan dinhmun sang tak kan luah hun pawh a rawn thleng ve ang, Hlawhtlinna kai lawm pakhat chu  Pathianthu awih anih thu sawiin, Zirlaite chu Pathian bel tlat turin a fuih a ni.

PZP Joint Headquarters, Aizawl President Lalmuansanga chuan, "PZP lo chu keini chuan belh tur dang kan nei lo, hnam anga min phuar khawm tu chu PZP chauh a ni." a ti a. Zirna lama ṭan kan lak a ṭûl zia leh pang hnam tan theihtawp chhuah turin zirlai kal khawm te a ngên.


PZP General Secretary Samson Lalthanzama pawhin thu sawiin, Pang hnamin hma a sawn zia leh zirna in sang tak tak thlenga kan luh tawh thu a sawi. Pang fate hian Orgination pakhat chiah kan nei a, chu chu PZP hi a ni. PZP hi Politics khelh nan mai mai a hmang lo va, hnam min phuarkhawm tu a nih thu te, PZP hlutna hre reng tur te leh, Khawi hmunah pawh Pang leh Pang chu in duhsak tawn turin Kal khawm te a chah bawk.

He hunah hian Zirlai hlawhtling thar mi 25 chawimawi an ni a, Freshers' mi ṭhahnem tak lawm luh a ni bawk.

He hun hi MZP Fin Secretary Lalhuapliana, MSU Fin Secretary Zodinsanga leh MBSA President V Lalṭanzuala ten an hmanpui bawk a ni.

       







(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)





Post i hmuh dan

Post a Comment

0 Comments