Ticker

10/recent/ticker-posts

Smuggling leh Counterfeit dona kawnga thawhhlawk Mizo Journalist Henry L Khojol-in chawimawina dawng


Aizawl | Sept 25, 2022: Mizo Journalist Henry L Khojol chu Federation of Indian Chambers of Commerce and Industry (FICCI) in India rama Media kaltlanga dan loa thol tawlhruk leh counterfeit (thil lem) dona kawnga hna thawk tha Journalist 6 a thlanchhuah zingah pakhatna niin chawimawina a dawng.


Federation of Indian Chambers of Commerce and Industry (FICCI) in India rama Media kaltlanga dan loa thol tawlhruk leh counterfeit (thil lem) dona kawnga hna thawk tha Journalist 6 a thlanchhuah zingah Press Trust of India (Aizawl Centre) Editorial Consultant Henry L Khojol chu ram chhunga titha ber chawimawina "FICCI CASCADE Awards for Excellence in Journalistic reporting on Smuggling and Counterfeiting Issues," a hlan.

India rama business organisation zinga upa ber leh lian ber FICCI hian Smuggling leh Counterfeiting in India Economy a tihchhiat mek dona atan peng pakhat 'Committee Against Smuggling and Counterfeiting Activities Destroying Economy' (CASCADE) chu kum 2011 a din a ni a, Smuggling leh Counterfeit dona kawnga titha bik enforcement officer, Journalist bakah zirlai naupangte hnenah chawimawina an hlan thin a. Kumin hian India rama he chawimawina dawng turin Print leh Electronic media hrang hrang atangin journalist 6 thlan chhuah a ni a, heng zingah hian Henry L khojol hi pakhatna a ni. Times of India (Mumbai) Ahmed Ali leh PTI (guwahati) Trideep Lahkar te chu pahnihna leh pathumna an ni.


He Chawimawina hi Sept 23 khan FICCI CASCADE inkhawmpui vawi 8-na New Delhi-a neihah sem a ni a. Kum 40 mi, Henry L Khojol hi Mizoram Journalists' Association (MJA) member a ni a, Mizoram sawrkar hriatpui journalist (Accredited Journalist) ni lai a ni bawk.

September 22 atanga tan ni hnih awh FICCI CASCADE inkhawmpui ah hian India Vice president hlui M Venkaiah Naidu, sawrkar leh business organisation liana mi pawimawh tak tak bakah UN, US embassy, Australian High Commission, Belgium, Switzerland leh ram hrang hrang bakah International Criminal Police Organisation (INTERPOL), World Custom Organisation (WCO) atangin mi thiam thahnem tak an tel a ni.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments