Aizawl | Sept 23, 2022: Durtlang Mel 5-a United Pentecostal Church of Mizoram biak In chu mi tu tih hriat loh ten an suasam.
Biak In pawh zah zo lova suasamtu te hian thil an tichhe nual a, pawikhawihtute hi Mipa kum la tling lo niin, thudawnna chuan a tarlang.
United Pentecostal Church of Mizoram, Durtlang Mel-5 chuan, "Committee chuan he pawi khawihna thlen thuah hian hmalak dan tur relin, pawi khawihtu hi naupang kum tling lo a ni a, engmah phut let awm lova ngaihdam ṭha a ti a; Police lama FIR Kohhran hminga thehluh pawh ṭul lovah a ngai a ni. Naupang hmakhua thlirin tisa leh thlarauva a nun siam ṭhatna tur atan erawh Kohhranin theihtawp chhuahpui ni thung se tih a ni a; ṭawngṭaina pawh neih sak nghal a ni." tiin thuchhuah siamin an tarlang.
DURTLANG MEL-5 BIAK IN SUASAM CHUNGCHANG
Dt.22.9.2022 tlaia United Pentecostal Church of Mizoram, Durtlang Mel-5 Biak in suasam a nih chungchanga thil thlen dan tlangpui hetiang hi a ni.
He thil hi tlai lam dar 5 bawra thleng a ni a, a suasamtu hian darkar chanve teh meuh a khawih nia hriat a ni. Biak in bungrua a khawih tlangpui chu hengte hi an ni:-
1. ZUN IN: Biak in kawta Mipa zun in chhung lam dai danna bang pahnih tuboh hmanga chhut chhiat a awm a; hmeichhe lam zun inah Sacrament bungrua paih darh a ni bawk.
2. GALLERY LAM: Biak in Gallery-ah hian Kohhran Decoration bungrua dahna almirah a awm a, a kawngkhar kar chhiain, a chhunga bungrua te chu a hnuai Biak in chhuatah leh, Gallery-ah hian paih a ni. Lehkhabu dahna Bookself chhunga mi lehkhabu hrang hrangte theh chhuah a ni bawk. Tin, Gallery-a tukverh darthlalang 3 tihkeh a ni bawk.
3. BIAK IN CHHUNG: Biak in khuang nam thluk a ni a, microphone 3 khawih chhiat a ni bawk. Biak in kawngka bula dah, Relief Fund thawhlawm thlakna bawm kar chhiat a ni a, a chhunga pawisa awm zat hi hriat a ni lo nain lak bo a ni; tin, Gallery atanga bungraw paih thlak hian thutthleng tihhmelhem a nei bawk a; tukverh darthlalang 15 a keh bawk. Biak in kawmchar, pawn lamah lehkhabu paih darh a awm bawk.
He thil titu hi Biak in atanga a chhuak lai lo hmutu an awm a, a titu hi rei loteah hriat chhuah nghal a ni. A suasamtu hi mipa kum tling lo a ni a, kan Kohhran Sunday School rawn chhim a, rawn kai ve mek lai a ni.
He thil thleng chungchangah hian Kohhran Committee thutkhawm nghal a ni a, Committee chuan hetianga Biak in suasam a ni hi a pawi a tiin, hetiang tih duhna Setana sual hnathawh lo thleng hi pawi a ti tak zet a ni.
Committee chuan he pawi khawihna thlen thuah hian hmalak dan tur relin, pawi khawihtu hi naupang kum tling lo a ni a, engmah phut let awm lova ngaihdam ṭha a ti a; Police lama FIR Kohhran hminga thehluh pawh ṭul lovah a ngai a ni. Naupang hmakhua thlirin tisa leh thlarauva a nun siam ṭhatna tur atan erawh Kohhranin theihtawp chhuahpui ni thung se tih a ni a; ṭawngṭaina pawh neih sak nghal a ni.
Tin, he thil thlen zan la la hian Biak in sawi sakna sulhnute hi thenfai leh nghal niin, ṭawngṭaihona uluk taka neiin Biak in hi fel fai taka chhuahsan a ni.
Sd/- Secretary
United Pentecostal Church of Mizoram
Durtlang Mel-5
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: