Ticker

10/recent/ticker-posts

International Art Exhibition Aizawl-ah; Ram 37 atangin lem ziak thiam tel

Aizawl | Sept 23, 2022: Love Revolution - An International Art Exhibition 2022 chu Sept 21 atang khan Millennium Centre, Aizawl-ah buatsaih a ni a. Ex CM Lal Thanhawla chuan a hawng. Love Revolution - An International Art Exhibition 2022 hi Naktuk Sept 24 hian a tawp an khar dawn a ni.


Kumin hi Love Revolution - An International Art Exhibition tum hnihna niin, Offline chuan a vawikhatna a ni a, nikum hmasa 2020 khan online in buatsaih a lo ni tawh a ni.

Art Novelty Gallery neitu, Curator Lalhming Mawii buatsaih Love Revolution - An International Art Exhibition 2022-ah hian ram 37 atangin lemziak thiam tha leh hlun tak tak te'n an kutchhuak an phochhuak a ni.


Love Revolution - An International Art Exhibition 2022-ah hian mi 122 in an kutchhuak an phochhuak a, ram dang atangin lemziak thiam mi 50 an tel a, a bak zawng chu India ram chhunga mi an ni.



Love Revolution - An International Art Exhibition 2022-a tel turte tan hian an kutchhuak pahnih aia tam lo phochhuah theih a nih thu Amawii chuan a sawi.


"Mizo Artist senior ho an tel thei a, kan lawm hle  ani," a ti bawk.

Art Exhibition hi tlawhtu an tam hle a, heng zinga tam ber hi thalai leh zirlai an ni a, Govt Mizo High School Art club te Free Workshop-ah hian an tel bawk a ni.


A buatsaihtu Amawii chuan, "vawiin chhun thleng khan an kutchhuak 12 an hralh tawh," thu EXPLORE MIZORAM a hrilh bawk.


Mumbai lam mi Ashoka pillar thar siamtupa Sunil Deore chu mahni insengso in Mizoramah a kutchhuak (sculpture) te lo kengin Art exhibition-ah a lo tel a, ani chuan, Art Exhibition-a a tel chu nuam a tiin Mizo te talent a hmuh in a ropui a ti hle.

Bangladesh lam atang Nargis Soma pawh mahni insengso in a lo kal a, "Organizer Amoii nen kum 7 chuang kan inhre tawh a, Mizoram-India hi ka lo kal chak thin hle, " a ti a, Mizo Artist te kutchhuak te tha a tih thu sawi a, "Mizo mipui ten Art an ngainat zia ka hmuhin artist-te ka lawmpui hle," a ti.

Indian Celebrity Artist lar tak Vijender Sharma pawh tel in Gloria keh Singapore VIP Artist te leh international artists hmingtha tak tak te an tel nual a. 

Love Revolution - An International Art Exhibition 2022 hi Art Novelty Gallery Chaltlang Venglai buatsaih niin, Curator and Chief Organiser Pi Lalhming Mawii (Amoii) a ni a. Michael Lam New York Top Art Consultant Vision Art Media in a vawi 2na atan a pui leh a ni.

(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments