Ticker

10/recent/ticker-posts

World Book of Records-ah Mizoram Police chuang

Aizawl | August 12, 2022: Mizoram Police chu 'World Book of Records' Gold Edition pahnihah telh a ni.

Mizoram Police World Book of Records hian ni khata ruihhlo tihralna lian ber leh ni khata nungcha manna lian tham avangin Mizoram Police hi an seng lut  a ni.


Mizoram Police hian June 24, 2022 khan ruihhlo halral runpuia ruihhlo kg 930.229, International Market rate-a Rs 23,62,09,40,245/- (Vaibelchhe sang hnih zathum sawmruk pahnih, nuai kua, sing li, zahnih sawm li panga) halralin, kha kha vawikhata ruihhlo tihralna lian ber a ni a, hemi bakah hian nungcha tawlh ruk manna lian tham ber, nungcha 468 zet manna avang tein “World Book of Records 2022 Gold Edition" ah Mizoram Police hming hi a chuang ve a ni.

He thu hi Mizoram Police instagram accountah tarlan niin, World Book of Records, London chuan Mizoram Police te'n ruihhlo leh dan lova thil tawlh ruk beihletna kawnga an thawhrimna leh an inpekna te hriatpuiin, khawvel hriatah an tarlang a ni.

Hetiang dan lova thil tawlhruk te, ruihhlo leh sualna kan beih letna kawnga mipuite thawhpuina engtiklai pawha an dawn áš­hin avangin Mizoram Police chuan mipuite hnenah lawmthu an sawi a ni.



Post i hmuh dan

Post a Comment

0 Comments